جەكە تۇلعالاردا 490 ياحتا بار.
ۇلتتىق ەكونوميكا مينيسترلىگىندە سالىق كودەكسىنىڭ جوباسىنا رەتتەۋشى ساياساتتىڭ كونسۋلتاتيۆتىك قۇجاتى ازىرلەندى، دەپ حابارلايدى Almaty-akshamy.kz
وندا جەكە تۇلعانىڭ بارلىق وبەكتىلەرىنىڭ جيىنتىق قۇنى 130 مىڭ اەك (2024 جىلى 479 960 000 تەڭگە) شەگىنەن اسىپ كەتكەن جاعدايدا "ءسان – سالتانات" زاتتارىنا سالىق سالۋدى ارتتىرۋ تۋرالى ۇسىنىس جازىلعان.
«كەي ادامداردىڭ مەنشىگىندە ياحتالار مەن جەكە ۇشاقتار بار. مىسالى، جەكە تۇلعالاردا 490 ياحتا بار. ياحتالارعا سالىناتىن سالىقتىڭ ەڭ جوعارى سوماسى – شامامەن 190 مىڭ تەڭگە (55 اەك). ستاۆكالاردى كوبەيتۋ ۇسىنىلادى. ياحتالاردىڭ ۇزىندىعىن ەۋروپا ەلدەرىندەگىدەي سالىق مولشەرلەمەسىن انىقتاۋ ءۇشىن قولدانۋعا بولادى (5 مەتردەن استام ءسان-سالتاناتقا جاتادى). مىسالى، گرەكيادا اشىق ياحتالارعا ارنالعان ءسان-سالتانات سالىعى جىلىنا 780 ەۋرودان (383 مىڭ تەڭگە) 2340 ەۋروعا (1 149 مىڭ تەڭگە) دەيىن وزگەرەدى. ال ەگەر ياحتا 12 مەتردەن اسسا، سالىق سوماسى ارتادى»، - دەلىنگەن قۇجاتتا.