ق ر يندۋستريا جانە ينفراقۇرىلىمدىق دامۋ مينيسترلىگى Zoom جەلىسىندە «اشىق ساعات الاڭى» شاراسىن ۇيىمداستىرىپ، اۋە تاسىمالى، تۇراقتى حالىقارالىق جاڭا اۋە رەيستەرىن اشۋ مەن وسى ورايدا تۋىنداعان ءتۇرلى ماسەلەلەر تالقىلاندى، دەپ حابارلايدى اlmaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
شارا بارىسىندا قالىڭ كوپشىلىكتى تولعاندىرعان ماسەلەلەردىڭ ءبىرى اۋە رەيستەرىنىڭ كەشىگۋى جانە اۋە كومپانيالارىنىڭ جولاۋشىلار الدىنداعى جاۋاپكەرشىلىك ماسەلەسى بولدى.
بۇل ساۋالعا باسقوسۋدا ازاماتتىق اۆياسيا كوميتەتى ءتوراعاسىنىڭ ورىنباسارى سالتانات تومپييەۆا جاۋاپ بەردى.
ول رەيستەردى كەشىكتىرگەن اۆياكومپانيالار كوپ جاعدايدا جولاۋشىلارعا مىندەتتى قىزمەتتەردى ءتيىستى دەڭگەيدە ورىندامايتىنىن العا تارتتى. سايكەسىنشە، ولارعا زاڭناماعا سايكەس شارا قولدانىلادى.
«ارينە، ۇشۋدىڭ كەشىگۋى نەمەسە اۋىستىرىلۋى كوپتەگەن قولايسىزدىقتار تۋدىرادى. الايدا تەحنيكالىق اقاۋلار كەز كەلگەن كەزدە بولۋى مۇمكىن. تاسىمالداۋشىلار جولاۋشىلاردى رەيستىڭ ۇشۋىن ەكى ساعاتتان ارتىق كۇتۋ كەزىندە الكوگولسىز سۋسىندارمەن قامتاماسىز ەتۋگە مىندەتتى. ال رەيستىڭ ۇشۋىن ءتورت ساعاتتان ارتىق كۇتكەن كەزدە ىستىق تاماق بەرىلۋى ءتيىس»، – دەدى سالتانات تومپييەۆا.
سونداي-اق ول رەيستى كۇندىز التى ساعات، تۇندە سەگىز ساعات كۇتكەن كەزدە جولۋشىلارعا تاسىمالداۋشى ۇسىنعان قوناقۇيدە تۇرۋعا جانە تاسىمالداۋشى ۇسىنعان كولىكپەن اۋەجايدان قوناقۇيگە جانە كەرى قايتۋ قىزمەتتەرى كورسەتىلۋى قاجەت.
تاسىمالداۋشىنىڭ كiناسىنەن رەيس كەيىنگە قالدىرىلعان نەمەسە 10 ساعاتتان استام مەرزiمگە كiدiرتiلگەن جاعدايدا، جولاۋشىنىڭ قالاۋى بويىنشا اۋە كومپانياسى اتالعان قىزمەتتەردىڭ بارلىعىن كورسەتە وتىرىپ، جولاۋشىنى بيلەتتە كورسەتiلگەن مەجەلى پۋنكتكە دەيىن جاقىن ارادا ۇشاتىن رەيسپەن تاسىمالداۋدى قامتاماسىز ەتۋگە مىندەتتى.
«بۇل قىزمەتتەردىڭ بارلىعى جولاۋشىلارعا قولدانىستاعى زاڭناماعا سايكەس تەگىن كورسەتىلەدى. ەگەر دە تاسىمالداۋشى كومپانيا ءوز مىندەتىن ورىنداماعان جاعدايدا جولاۋشىلار ازاماتتىق اۆياسيا كوميتەتىنە شاعىمدانا الادى. ءبىز كەلىپ تۇسكەن شاعىمداردى زەردەلەپ، ءتيىستى شەشىم قابىلدايتىن بولامىز، – دەپ اتاپ ءوتتى ازاماتتىق اۆياسيا كوميتەتى ءتوراعاسىنىڭ ورىنباسارى.