ءقازىر قىزمەتتىك تەرگەۋ جۇرگىزىلىپ جاتىر.
الماتى وبلىسىنىڭ 5571 اسكەري ءبولىمىنىڭ اسكەري جاۋىنگەرى قاتتى داۋىل كەزىندە قايتىس بولدى، دەپ حابارلايدى Almaty-akshamy.kz
2003 جىلى تۋعان ا.ن.شاحيموۆ قونايەۆ قالاسىنىڭ اۋرۋحاناسىندا قايتىس بولدى. اسكەرگە 2022 جىلدىڭ كوكتەمىندە اقمولا وبلىسى كوكشەتاۋ قالاسىنىڭ قورعانىس ىستەرى جونىندەگى دەپارتامەنتى ارقىلى شاقىرىلعان.
«5571 اسكەري ءبولىمىنىڭ جاۋىنگەرلىك دايارلىق جوسپارىنا سايكەس جەدەل ماقساتتاعى 1-باتالوننىڭ جەكە قۇرامى 8-13 تامىز ارالىعىندا 5574 اسكەري ءبولىمىنىڭ وقۋ-جاتتىعۋ ورتالىعىندا دالالىق شىعۋدا بولدى. 9 تامىزدا ساعات 20.55 شاماسىندا قاتتى داۋىل باستالىپ، جەل سوعىپ، تىگىلگەن شاتىرلار قيراي باستادى. قاتارداعى جاۋىنگەر ا. ن.شاحيموۆ ءوز ارىپتەستەرىنە ءقاۋىپسىز جەرگە ەۆاكۋاسيالاۋعا كومەكتەسىپ جۇرگەن. سول كەزدە شاتىردىڭ مەتالل جاقتاۋىنا باسىن سوعىپ، جاراقات الدى»، - دەپ حابارلادى ۇلتتىق ۇلاننىڭ باسپا ءسوز قىزمەتى.