ەكس-شەنەۋنىكتىڭ ءبىرىنشى ايەلى نازىم قاحارمان ءوزىنىڭ Instagram پاراقشاسىندا پوست جاريالاعان.
وندا ول ءوزىنىڭ بۇرىنعى كۇيەۋى قۋاندىق بيشىمبايەۆتىڭ جاساعان قىلمىسى جايلى ءسوز قوزعاپتى. ونىڭ سوزىنشە، بۇل جايلى ءسوز قوزعاۋ ءۇشىن وعان ويىن جيناقتاۋعا ءبىراز ۋاقىت كەرەك بولعان.
«مەن بالالارىممەن سالتاناتتىڭ تۋعان-تۋىستارى مەن جاقىندارىنا ورنى تولماس قازاعا قايعىرا كوڭىل ايتامىز. مەن ونىمەن جەكە تانىس ەمەس ەدىم، ءبىراق بالالارىم ونىمەن جاقسى دوستاسىپ ەدى، ونى مەيىرىمدى، جاناشىر ادام رەتىندە ەسكە الادى. بۇل قايعىلى جاعداي، ارينە، ولاردىڭ تىرەگى، قولداۋى جانە ۇلگىسى بولۋى كەرەك بولعان ادامنىڭ جاساعانى ءۇشىن بالالارعا ودان دا اۋىر سوعىپ وتىر.
ءقازىر بىزگە وتە قورقىنىشتى، ۇيات جانە بۇل جاعداي وتە اۋىر ءتيىپ وتىر. مەنىڭ بالالارىمنىڭ باسىنا تۇسكەن قيىن جاعداي، ارينە بۇل سالتاناتتان ايىرىلعان ونىڭ تۋعاندارى مەن جاقىندارىنىڭ ازابىمەن سالىستىرۋعا كەلمەيدى، مەن ولاردىڭ ءارقاشان جاقسىلىق جاعىندا بولاتىنىنا سەنەمىن جانە بىلەمىن. سول ءۇشىن مەن بالالارىممەن مەن العا ۇمتىلامىز»، - دەپ جازدى ايەل