قازاقستان جايىلىم جەرلەرىنىڭ كولەمى بويىنشا الەمدە بەسىنشى ورىندا.
184 ملن گەكتار القاپ مالعا قولايلى. الايدا اۋىل حالقى مالىن باعار جەر تاپپاي ءجۇر. وسى ماسەلەنى شەشۋ ءۇشىن ءماجىلىس جايىلىم جەرلەر تۋرالى زاڭ جوباسىن قاراپ، ماقۇلدادى، دەپ حابارلايدى Almaty-akshamy.kz
جاڭا قۇجاتتا جايىلىمداردى كونكۋرسسىز بەرۋ نورماسى الىنىپ تاستالدى. جەر رەسۋرستارىن باسقارۋ كوميتەتىنىڭ مالىمەتتەرى بويىنشا بۇعان دەيىن 2 ميلليون گەكتاردان استام القاپ جەكە جانە زاڭدى تۇلعالارعا كونكۋرسسىز بەرىلگەن. ەلدىمەكەننىڭ اينالاسىنداعى اۋىل تۇرعىندارىنىڭ مالىن جايۋعا ارنالعان جەرلەردىڭ مارتەبەسىن نىعايتۋ ءۇشىن كوپشىلىك پايدالاناتىن جايىلىمدار دەگەن جەكە ۇعىم ەنگىزىلدى. زاڭ جوباسىن قاراۋ بارىسىندا 200-دەن اسا ۇسىنىستار ءتۇستى، 72ء-سى قابىلداندى.
«ەنگىزىلىپ وتىرعان وزگەرىستەر تۇرعىنداردىڭ قاجەتتىلىگىنە قاراي جايىلىمداردىڭ جەتىسپەۋشىلىكتى ماسەلەلەرىن شەشۋگە ىقپال ەتەدى. پايدالانىلماي جاتقان تەلىمدەردى قايتارۋ بويىنشا جۇمىستاردى كۇشەيتەدى. سونداي-اق، جەردى بەرۋ جانە پايدالانۋ ءتارتىبى بويىنشا جەرگىلىكتى تۇرعىندارعا شەشىم قابىلداۋ ۇدەرىسىنە تارتۋعا مۇمكىندىك بەرەدى. وسى سالاداعى سىبايلاس جەمقورلىقتى ازايتادى»، - دەدى ق ر پارلامەنتى ءماجىلىسىنىڭ دەپۋتاتى نۇرجان اشىمبەتوۆ.