ادۆوكات نازكەن قۇسايىنوۆا قۋاندىق بيشىمبايەۆ كىسى ءولتىرۋ قىلمىسىن مويىنداماي وتىرعانىن مالىمدەگەن ەدى.
وسى ورايدا سالتانات نۇكەنوۆانىڭ تۋعان اعاسى ايتبەك امانگەلدى «باۋ» رەستورانىندا بولعان وقيعانىڭ ءمان-جايىن ەسكە الىپ، بەينەباقىلاۋ كامەرالارى تۇسىرگەن كادرلاردى جاريالادى، دەپ حابارلايدى Almaty-akshamy.kz.
ايتبەك امانگەلدىنىڭ جازۋىنشا، ونىڭ مۇنداي قادامعا بارۋىنا باستى كۇدىكتىنىڭ ادۆوكاتتارى جاساعان مالىمدەمەسى سەبەپ بولعان. ول بيشىمبايەۆتىڭ قورعاۋشىلارى «باۋ» رەستورانىندا بولعان وقيعانى باسقاشا جەتكىزىپ، جالعان اقپارات ۇسىنعانىنا نارازىلىق ءبىلدىرىپ وتىر.
«ادۆوكاتتار بيشىمبايەۆ سالتاناتتى ۇرمادى دەپ وتىر. الايدا، بەينەباقىلاۋ كامەرالارىنا تۇسكەن ساتتەر بۇل مالىمدەمە شىندىققا جاناسپايتىنىن ايعاقتايدى. مەديسينالىق ساراپتاما قورىتىندىسى دا بار، ساراپشىلاردىڭ ايتۋىنشا، سالتاناتتىڭ باسىنا كەم دەگەندە 13 سوققى جاسالعان»، دەپ جازدى ايتبەك امانگەلدى Instagram پاراقشاسىندا.