الماتىنىڭ ءتارتىپ ساقشىلارى "الماتى مارافونىنا" دايىندالۋدا
ءتارتىپ ساقشىلارى بۇل جولى 10 شاقىرىمدىق “Winter Runعا” قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«مەن 2017 جىلدان بەرى جۇگىرۋمەن اينالىسامىن. “الماتى مارافونىنىڭ” تۇراقتى قاتىسۋشىسىمىن. قىركۇيەكتە 42 شاقىرىمدى 3 ساعات 20 مينۋتتا جۇگىرىپ ءوتتىم. مەن بارلىعىنىڭ جۇگىرگەنىن قالايمىن. جۇگىرۋ – بۇل دەنساۋلىق، ول يممۋندىق جۇيەنى نىعايتادى. بۇل جاقسى مادەنيەت، جان-جاقتى دامۋعا، جاڭا تانىستاردى تابۋعا ىقپال ەتەدى. وتە پايدالى»، – دەيدى الماتى قالالىق پد تىلمەن قامتاماسىز ەتۋ باسقارماسىنىڭ قىزمەتكەرى ادەن مادەنوۆ.
«مەن ءبىر جىلدان بەرى مارافوندارعا قاتىسامىن. مۇنىڭ الدىندا جازدا 42،2 شاقىرىمعا جۇگىرگەن ەدىم. مەنىڭ ەڭ جاقسى ناتيجە كورسەتكەن مارافونىم بولدى. مەن ومىرىمدە سپورتتى جانىما سەرىك ەتىپ كەلەمىن. وتباسىم دا سپورتقا وتە جاقىن. ءبىز سالاۋاتتى ءومىر سالتىن جاقتايمىز»، – دەدى الماتى قالالىق پد ءجااج ينسپەكتورى، دزيۋدو جانە سامبودان سپورت شەبەرى، قازاقستاننىڭ بىرنەشە دۇركىن چەمپيونى قاراشاش ەسداۋلەتوۆا.
ايتپاقشى، الماتىنىڭ پوليسيا قىزمەتكەرلەرى “الماتى مارافونىنىڭ” تۇراقتى قاتىسۋشىلارى. بۇل جاقسى داستۇرگە اينالدى.
«ماقسات – الماتى قوعامداستىعىنىڭ قايىرىمدىلىق باستاماسىن قولداۋ، ويتكەنى ءبىز وسى قالانىڭ تۇرعىندارىمىز. پوليسيا قىزمەتكەرلەرى رەتىندە شاھارداعى ءتارتىپتى قورعاۋعا جانە ازاماتتاردىڭ كونستيتۋسيالىق قۇقىقتارىن قورعاۋعا انت بەردىك. ەكىنشىدەن، ماسەلە سالاۋاتتى ءومىر سالتىن ناسيحاتتاۋ تۋرالى بولىپ وتىر. قىزمەتتەر مەن بولىمشەلەردىڭ قىزمەتكەرلەرى ءار ۋاقىتتا وزدەرىنىڭ سپورتتىق دايىندىعىنىڭ دەڭگەيىن، ۇستامدىلىعى مەن ءتارتىبىن كورسەتىپ كەلەدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
الماتى قالالىق پد-دە اۋەلى جارىسقا پوليسيا قىزمەتكەرلەرىن كوبىرەك تارتۋ جوسپارلانعانىن اتاپ ءوتتى.