تۇرعىندار اراسىندا سالاۋاتتى ءومىر سالتىنىڭ تانىمالدىعى تومەن.
قالا تۇرعىندارىنىڭ 34%-ى عانا دەنە شىنىقتىرۋمەن اينالىسادى، دەپ حابارلايدى Almaty-akshamy.kz
ونىڭ ۇستىنە 65 مىڭ شارشى مەتردەي سپورتتىق-رەكرەاسيالىق ينفراقۇرىلىم جەتىسپەيدى.
دەنە شىنىقتىرۋمەن جانە سپورتپەن اينالىساتىن تۇرعىنداردى قامتۋدى 2025 جىلعا قاراي 40%-كە، 2030 جىلعا قاراي 50%-كە كوبەيتۋ ماقسات ەتىلدى.
2025 جىلعا دەيىن:
فۋتبول، باسكەتبول، ۆولەيبول، حوككەي بويىنشا مەكتەپ جانە ستۋدەنتتەر كلۋبتارىن، ليگالارىن قۇرۋ
جىلىنا كەمىندە 35 ءىرى حالىقارالىق دەڭگەيدەگى بۇقارالىق ءىس – شارالار - مارافوندار، ۆەلوجارىستار، ترياتلوندار، چەمپيوناتتار وتكىزۋ
مەملەكەتتىك جانە جەكە قاراجات ەسەبىنەن ستريت-سپورتتى بەلسەندى دامىتۋ: ساياباق ايماقتارىندا جۇگىرۋگە ارنالعان كەمىندە 30 كم جول، ستريتبول، سكەيتبوردينگ، BMX جانە Open Air فيتنەس ءۇشىن كەمىندە 16 الاڭ سالۋ
كەمىندە 6 دەنە شىنىقتىرۋ-ساۋىقتىرۋ كەشەنىن سالۋ (جالپى اۋدانى 30 مىڭ شارشى مەتردەن استام)، ەرەكشە قاجەتتىلىكتەرى بار ادامدار ءۇشىن بەيىمدەي وتىرىپ، جۇمىس ىستەپ تۇرعان سپورت وبەكتىلەرىن جاڭعىرتۋ.
2030 جىلعا دەيىن:
ورتالىق ستاديوندى حالىقارالىق ستاندارتتار بويىنشا 45 مىڭ ورىندىققا دەيىن ۇلعايتا وتىرىپ جاڭعىرتۋ.
جاڭا پوليورتالىقتاردا كەمىندە 10 قوسىمشا دەنە شىنىقتىرۋ-ساۋىقتىرۋ كەشەنىن سالۋ (ءارقايسىسىنىڭ اۋدانى 5 مىڭ شارشى مەتردەن جوعارى)
جەڭىل اتلەتيكا مانەجىن سالۋ كوزدەلىپ وتىر.
«سپورت - دەنساۋلىق كەپىلى». سوندىقتان وسى سالا تۋرالى ءوز پىكىرىڭىزدى 1 شىلدەگە دەيىن تومەندەگى سىلتەمە ارقىلى «الماتى قالاسىن دامىتۋ ورتالىعى» اق سايتىندا قالدىرىڭىز.