مەملەكەت ازاماتتارىنا 18 قۇجات وزگە سيفرلىق پلاتفورمالاردا قولجەتىمدى.
قازاقستان ۇكىمەتى مەملەكەت ازاماتتارى اراسىندا سيفرلىق سەرۆيستەرگە دەگەن سۇرانىس ارتىپ وتىرعانىن ايتادى، دەپ حابارلايدى Almaty-akshamy.kz.
«بۇگىندە ەلەكتروندى قىزمەتتەر سانى بويىنشا، وڭ وزگەرىستى بايقاپ وتىرمىز. سونىمەن قاتار EGov Mobile موبيلدىك قوسىمشاسىندا دا ەلەكتروندى قىزمەتتەردى پايدالانۋ ەكى ەسەگە وسكەن. بۇدان بولەك، سيفرلىق سەرۆيستەر ازاماتتار اراسىندا كەڭ سۇرانىسقا يە. ماسەلەن، سيفرلىق قۇجاتتار وسى جىلدىڭ 5 ايىندا 6 ملن-نان استام ۆاليداسيالاعانىن اتاپ وتكەن ءجون. جالپى، بۇل مەموروگاندار مەن مەكەمەلەردىڭ سيفرلىق قۇجاتتاردى كەڭىنەن قولدانۋىن ايعاقتايدى»، - دەدى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ۇكىمەت وتىرىسىندا.
ۆەدومستۆو باسشىسىنىڭ ايتۋىنشا، ءقازىر ازاماتتارعا 18 قۇجات وزگە سيفرلىق پلاتفورمالاردا قولجەتىمدى. وسى جىلدىڭ سوڭىنا دەيىن ەڭ تانىمال 20 مەملەكەتتىك قىزمەتتى سىرتقى پلاتفورمالارعا شىعارۋ جوسپارلانعان.
«سونداي-اق SMS ارقىلى زاڭسىز تىركەلۋ ماسەلەسىن شەشتىك. بايلانىس ورتالىعىنىڭ كۇتۋ ۋاقىتىن 5 مينۋتتان 20 سەكۋندقا دەيىن قىسقارتتىق. ازاماتتاردى قۇجاتتاندىرۋ بويىنشا ادامي فاكتورسىز ۇسىنىلاتىن، جاڭا پەرسپەكتيۆالىق جوبانى ىسكە اسىرۋدامىز. ەگەر بۇگىنگى تاڭدا ورتاشا ەسەپپەن 20-30 مينۋت كەتسە، تەرمينالداردى ورناتقان سوڭ، پروسەسس 5-10 مينۋتقا دەيىن قىسقارادى»، - دەدى باعدات مۋسين.
ايتا كەتسەك، «ۆيدەو حقو» جوباسى ازاماتتارعا كەڭەس الۋدان بولەك، سون-عا جۇگىنبەي-اق قىزمەتتى قاشىقتان الۋعا مۇمكىندىك بەرەدى. وسى ءتاسىل ارقىلى 13 قىزمەت قولجەتىمدى، ال جىل سوڭىنا دەيىن 63 قىزمەتكە دەيىن وسەدى. «وسىعان وراي، مەمورگاندارمەن بىرلەسىپ، 2025 جىلعا دەيىن ازاماتتارعا كونسۋلتاسيا جانە قىزمەت كورسەتۋدى وسى «ۆيدەو حقو» ءتاسىلى ارقىلى ۇسىنۋدى جوسپارلاپ وتىرمىز»، - دەدى سيفرلىق دامۋ ءمينيسترى.