پويىز ەڭ الدىمەن الماتى وبلىسىنىڭ بايسەركە ستانسياسىنا بارادى.
2022 جىلدىڭ 20 ماۋسىمى الماتى-2 ستانسياسىنان «سالاماتتى قازاقستان» مەديسينالىق پويىزى ەلىمىزدىڭ شالعاي ستانسيالارى مەن جاقىن جەردەگى اۋىلداردىڭ تۇرعىندارىنا تەگىن مەديسينالىق كومەك كورسەتۋ ءۇشىن جولعا شىعادى، دەپ حابارلايدى Almaty-akshamy.kz.
مامانداندىرىلعان مەديسينالىق پويىز 8 ۆاگوننان تۇرادى: ديزەل-گەنەراتور ۆاگونى، 4 مەديسينالىق ۆاگون، 1 كونفەرەنس-زال جانە مەيرامحانا، 2 كۋپە ۆاگون. ديزەل-گەنەراتور ۆاگونى قاجەت بولعان جاعدايدا شاعىن ەلدى مەكەندى ەلەكتر ەنەرگياسىمەن قامتاماسىز ەتە الادى.
ءىس-شارا بارىسىندا مەديسينالىق پويىز ماماندارى ارنايى پويىز ۆاگوندارىمەن، باس دارىگەر قابىلداۋ بولمەلەرىمەن، سونداي-اق تۇرعىندارعا تەگىن مەديسينالىق كومەك كورسەتەتىن بىلىكتى ماماندارمەن تانىستىرادى.
جوبا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى ق ر دەنساۋلىق ساقتاۋ مينيسترلىگىنىڭ قولداۋىمەن، «قازاقستان تەمىر جولى» ۇك اق جانىنداعى «الەۋمەتتىك جوبالار قورى» كورپوراتيۆتىك قورىمەن بىرلەسىپ ىسكە اسىرىلۋدا.
ءىس-شاراعا مەديسينالىق پويىزدىڭ ماماندارى مەن قىزمەتكەرلەرى، سونداي-اق جۋرناليستەر قاتىسادى.