مەدەۋ اۋدانى تۇرعىندارىنىڭ 110 ءوتىنىمىنىڭ ىشىنەن 20 جوبا ىرىكتەلدى، ولاردىڭ ىشىندەگى ەڭ ءىرىسى – تىكساي وزەنىنىڭ جاعالاۋىن اباتتاندىرۋ بويىنشا ۇسىنىلعان ءۇش جوبا.
قوعامدىق كەڭىستىكتى اباتتاندىرۋ اياسىندا جىل سوڭىنا دەيىن ەكى سكۆەردى وقۋشىلار سارايى مەن ورتالىق مەملەكەتتىك مۇراجايدىڭ جانىنداعى قايتا قۇرۋ جۇمىستارى اياقتالادى، دەپ حابارلايدى Almaty-akshamy.kz
شىلدە ايىندا الاتاۋ شاعىناۋدانىنداعى يبراگيموۆ كوشەسى بويىنداعى سكۆەر مەن «جۋرناليستەر» ساياباعىنىڭ جانە گۇلزاردىڭ جسق-نا ساراپتاما الۋ كۇتىلۋدە. جۇمىستار وسى جىلدىڭ سوڭىندا باستالماق.
قىركۇيەك ايىندا ۇلكەن الماتى كانالىن قايتا قۇرۋ بويىنشا جسق-عا ساراپتاما قورىتىندىسىن الۋ جوسپارلانىپ وتىر.
شىلدە ايىندا ەسەنتاي وزەنىنىڭ سۋ بولگىشتەن جاماقايەۆ كوشەسىنە دەيىنگى (1،2 كم) سۋ قورعاۋ بەلدەۋى ۋچاسكەسى بويىنشا جۇمىستار جانە الماتى حايۋاناتتار باعىنداعى تازارتۋ قۇرىلىستارىن پايدالانا وتىرىپ، توعانداردى اباتتاندىرۋ اياقتالادى.