الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ اقپاراتى بويىنشا سايران سۋ قويماسىنان الىنعان سۋ سىنامالارىنىڭ ناتيجەسىندە لاك-پوزيتيۆتى ىشەك تاياقشالارى نورماسى دەڭگەيىنىڭ ارتقانى انىقتالدى. وسىعان بايلانىستى الماتى قالاسى توتەنشە جاعدايلار دەپارتامەنتىنىڭ حاتىنا سايكەس جانە سەبد-نىڭ نۇسقاۋىمەن سۋ قويماسىنان سۋدى تولىق كولەمدە جىبەرۋ تۋرالى شەشىم قابىلداندى.
سۋدان تولىق بوساتۋ ءۇشىن 2-3 كۇن كەتەدى. الماتىلىقتار مەن قالا قوناقتارىن الداعى كۇندەرى سۋعا تۇسۋدەن باس تارتۋىن سۇرايمىز.
لاستانۋ كوزىن انىقتاۋ جانە ءتيىستى شارالاردى قابىلداۋ ءۇشىن اۋدان اكىمدىكتەرىنىڭ (المالى، اۋەزوۆ)، پوليسيا ءبولىمىنىڭ، اۋداندىق سانيتارلىق-ەپيدەميولوگيالىق باقىلاۋ بولىمدەرىنىڭ، توتەنشە جاعدايلار دەپارتامەنتىنىڭ ماماندارى مەن ەكولوگتار اراسىنان جۇمىس كوميسسياسى قۇرىلدى.
سەبد مالىمەتتەرى بويىنشا، بۇل كەزەڭدە رەزەرۆۋار ءتۇبىن بيولوگيالىق جانە حيميالىق تازالاۋدىڭ قوسىمشا ارنايى ادىستەرى قاجەت ەمەس. لاستانۋ كوزى انىقتالىپ، ارنايى كوميسسيا جۇمىسى اياقتالعان سوڭ سايرانعا سۋ قايتا تولتىرىلادى.