الماتىداعى ۇلكەن جوبالارىدىڭ ءبىرى – سايران كولىنىڭ جاعالاۋىن اباتتاندىرۋ.
الماتى اكىمدىگىنەن اتاپ وتكەندەي، 2024 جىلدىڭ جەلتوقسانىندا نەگىزگى قۇرىلىس جۇمىستارى اياقتالدى. ءقازىر جۇمىستار 75%-عا ورىندالدى، دەپ حابارلايدى aqshamnews.kz
وسى جىلدىڭ ءساۋىر-مامىر ايلارىندا برۋسچاتكا توسەۋ، شاعىن ارحيتەكتۋرالىق فورمالار ورناتۋ جۇمىستارى اياقتالادى. سونداي-اق 200 ءىرى ۇلكەن جاپىراقتى جاسىل جەلەكتى وتىرعىزىلادى.
وسىعان دەيىن شاھار باسشىسى ەربولات دوسايەۆ مەردىگەر ۇيىمعا بارلىق قۇرىلىس، ينجەنەرلىك-تەحنيكالىق جانە سانيتارلىق نورمالاردى ساقتاي وتىرىپ، بارلىق جۇمىستاردى بەلگىلەنگەن مەرزىمدە اياقتاۋدى تاپسىرعان بولاتىن.
ەستەرىڭىزگە سالا كەتەيىك، جوبانى ىسكە اسىرۋ 2024 جىلدىڭ اقپان ايىندا باستالعان بولاتىن. جوباعا سايكەس، سايران كولىنىڭ ەكى جاعالاۋى سۋعا جاقىن ماڭدا ۇزىندىعى 2،5 كم ءبىرىڭعاي سەرۋەندەۋ جاعالاۋىنا قوسىلاتىن بولادى، سونداي-اق قولدانىستاعى كوپىر ارقىلى 3،5 كم جانە اباي داڭعىلىنا شىعاتىن 4،5 كم سەرۋەندەۋ مارشرۋتتارى قولجەتىمدى بولادى.
بۇعان دەيىن قالا اكىمدىگى جوبانىڭ ەسكيزدەرىن ۇسىنعان ەدى.
2023 جىلى سايران سۋ قويماسىنىڭ ءتۇبى 50 جىلدا العاش رەت تازارتىلدى. مەحانيكالىق تازالاۋ ناتيجەلەرىنە 142 مىڭ تەكشە مەتر لاي جانە 23 توننا تۇرمىستىق قوقىس شىعارىلدى.