2024 جىلى الماتى قالاسىنىڭ ۆەتەرينارلىق قىزمەتى 6 400 يت پەن 120 مىسىقتى اۋلاپ، ولاردىڭ 2 847ء-سىن ستەريليزاسيالاپ، ەكپە جاساعان. بۇل شارالارعا 429 ميلليون تەڭگە جۇمسالدى. ال 2025 جىلى جەرگىلىكتى بيۋدجەتتەن 580 ميلليون تەڭگە ءبولىنۋ جوسپارلانىپ وتىر. بۇل تۋرالى Aqshamnews.kz سايتى حابارلايدى.
قاڭعىباس جانۋارلاردى اۋلاۋ جانۋارلاردان ادامعا جۇعاتىن اۋرۋلاردىڭ الدىن الۋ جانە ازاماتتاردىڭ، اسىرەسە بالالاردىڭ قاۋىپسىزدىگىن قامتاماسىز ەتۋ ماقساتىندا جۇرگىزىلەدى. الماتىدا تۋركسيب اۋدانىنداعى سپاسسكايا، 150/1 مەكەنجايىندا قاڭعىباس جانۋارلارعا ارنالعان جالعىز ۋاقىتشا ۇستاۋ پۋنكتى بار.
زاڭعا سايكەس، يتتەر بەس كۇن بويى يەسى تابىلعانشا وسى ورتالىقتا ۇستالادى. ەگەر يەسى انىقتالماسا، وسۆۆ (وتلوۆ-ستەريليزاسيا-ۆاكسيناسيا-ۆىپۋسك) باعدارلاماسى اياسىندا ستەريليزاسيالانىپ، بۇرىنعى مەكەنىنە قايتا جىبەرىلەدى. سونىمەن قاتار، تۇرعىندار ارنايى ادوپسيا باعدارلاماسى ارقىلى بۇل جانۋارلاردى اسىراپ الا الادى.