ساين كوشەسىن ۇزارتۋ ءۇشىن كولىك قوزعالىسىن وسى جىلدىڭ سوڭىنا دەيىن اشۋ جوسپارلانۋدا
اۋداننىڭ جول ينفراقۇرىلىمىن دامىتۋ بويىنشا بەلسەندى جۇمىس جالعاسۋدا. الاتاۋ اۋدانىنىڭ شاعىن اۋداندارىنداعى كوشەلەر اعىمداعى جوندەۋدەن وتەدى، اۋدان اكىمدىگىنە 500 ملن. تەڭگە ءبولىندى، دەپ حابارلادى قالا اكىمى ەربولات دوسايەۆ حالىقپەن كەزدەسۋدە.
قالالىق موبيلدىلىك باسقارماسى بيىلعى شىلدە ايىندا ۇزىندىعى 60 شاقىرىم بولاتىن 63 كوشەنى قامتي وتىرىپ، 12 شاعىن اۋداندا ورتاشا جوندەۋ جۇمىستارىن باستادى. جۇمىستاردى وسى جىلدىڭ قاراشا ايىندا اياقتاۋ جوسپارلانعان. بۇگىنگى كۇنى «العاباس»، «قاراسۋ» شاعىن اۋداندارى جانە ساين كوشەسى بويىنشا جۇمىستار جۇرگىزىلۋدە.
ساين كوشەسىن ۇزارتۋ ءۇشىن كولىك قوزعالىسىن وسى جىلدىڭ سوڭىنا دەيىن اشۋ جوسپارلانۋدا. سونداي-اق، موڭكە بي مەن اقىن-سارا كوشەلەرىنىڭ قيىلىسىنداعى كولىك جولايرىعىندا بارلىق باعىتتار بويىنشا قوزعالىستى 2023 جىلدىڭ سوڭىنا دەيىن اشۋ جوسپارلانۋدا.