جالپى 12 ۇمىتكەر ورتالىق سايلاۋ كوميسسياسىنا قۇجاتتارىن تاپسىردى
بۇگىن ورتالىق سايلاۋ كوميسسياسىندا وتكەن اشىق وتىرىستا كوميسسيا وكىلدەرى ق ر پرەزيدەنتتىگىنە ۇمىتكەر قانشا كانديداتتىڭ تالاپقا ساي بولىپ شىققانىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جالپى 12 ۇمىتكەر ورتالىق سايلاۋ كوميسسياسىنا قۇجاتتارىن تاپسىردى. ءبىز ءوز كەزەگىمىزدە قۇجاتتاردىڭ سايكەستىگىن تەكسەرىپ، زاڭعا سۇيەنە وتىرىپ بۇكىل جۇمىستى جۇرگىزدىك. بۇگىن 3 ۇمىتكەر تالاپقا ساي بولماي شىقتى. تاعى ءبىر ۇمىتكەرگە سوت ۇيعارىمى بار، وعان قاتىستى شەشىم كەيىن شىعادى. بۇل جۇمىس ءالى جالعاسىپ جاتىر. ءبىز ونى تەكسەرۋدى توقتاتۋ تۋرالى شەشىم قابىلداعان جوقپىز. ال جالپى قالعان بۇكىل ۇمىتكەرلەردىڭ سايكەستىك ماسەلەسىن تولىق قارادىق»، - دەدى ورتالىق سايلاۋ كوميسسياسىنىڭ حاتشىسى مۇحتار ەرمان.
قوسا كەتسەك، بۇعان دەيىن ورتالىق سايلاۋ كوميسسياسىنىڭ مۇشەسى ۇمىتكەرلەرگە سايلاۋ جارناسى قانداي جاعدايدا قايتارىلاتىنىن تۇسىندىرگەن بولاتىن.
سابيلا مۇستافينانىڭ سوزىنشە، «ق ر سايلاۋ تۋرالى» كونستيتۋسيالىق زاڭىنا سايكەس، كانديداتقا 3 جاعدايدا جارناسى قايتارىلادى.