پۋتين مەن ەردوعاننىڭ نە تۋرالى سويلەسكەنى بەلگىلى بولدى

تۇركيا باسشىسى "تۇركيا مەن رەسەي بىرگە" دەپ تۇيىندەدى

13 قازاندا قازاقستان استاناسىندا رەسەي پرەزيدەنتى ۆلاديمير پۋتين مەن تۇركيا پرەزيدەنتى رەجەپ تايىپ ەردوعان كەلىسسوزدەر جۇرگىزدى. كەزدەسۋدەن كەيىن ەكى ەل باسشىلارى جۋرناليستەر الدىندا قىسقاشا مالىمدەمە جاساپ، كەيىن جابىق ەكىجاقتى كەزدەسۋ باستالدى، دەپ حابارلايدى Almaty-akshamy.kz Zakon.kz-كە سىلتەمە جاسا.

Kremlin.ru سايتىنىڭ حابارلاۋىنشا، ۆلاديمير پۋتين ەۋروپاعا گاز جەتكىزۋدىڭ ەڭ سەنىمدى جولى تۇركيا بولىپ شىققانىن اتاپ ءوتتى. سونىمەن قاتار ول "تۇرىك اعىنى" ونى جارۋعا تىرىسسا دا ءساتتى جۇمىس ىستەپ جاتقانىن ايتتى.

«تۇركيادان باسقا ەلدەردەگى الەۋەتتى ساتىپ الۋشىلاردان قىزىعۋشىلىق تۋىنداسا، ءبىز باسقا ەلدەرگە، ەڭ اۋەلى، ەۋروپالىق ەلدەرگە ساتۋ ءۇشىن باسقا گاز قۇبىرى جۇيەسىن سالۋ جانە تۇركيادا گاز حابىن قۇرۋ مۇمكىندىگىن قاراستىرا الامىز. ارينە ولار وسىعان قىزىعۋشىلىق تانىتسا»، - دەدى ۆلاديمير پۋتين.

سونىمەن قاتار رەسەي پرەزيدەنتىنىڭ ايتۋىنشا، بۇل حابتىڭ جۇمىس ىستەۋ بارىسىندا "جەتكىزۋ ءۇشىن عانا ەمەس، سونىمەن قاتار باعانى انىقتاۋ ءۇشىن دە پلاتفورما" جاساۋ قاجەت.

«بۇل باعالار بۇگىندە شەكتەن تىس. ءبىز (ولاردى. – رەد.) ەشبىر ساياسي استارسىز قالىپتى نارىق دەڭگەيىندە سابىرلى تۇردە رەتتەي الار ەدىك»، -دەدى ۆلاديمير پۋتين.

ءوز كەزەگىندە تۇركيا پرەزيدەنتى ەكى ەل اراسىنداعى ىنتىماقتاستىق ماسەلەلەرىنە توقتالدى.

"اققۋىداعى" ەنەرگيا ءوندىرىسى ءبىزدىڭ قاجەتتىلىكتەرىمىزدىڭ 10%-ىن قامتاماسىز ەتەدى. ەكىنشى اتوم ەلەكتر ستانسياسى سالىنسا، تاعى 10% پليۋس. ءبىز ەنەرگياعا دەگەن سۇرانىستىڭ جيىرما پايىزىن وسى اتوم ەلەكتر ستانسيالارى ارقىلى قامتاماسىز ەتەمىز»، -دەدى رەدجەپ ەردوعان.

ودان كەيىن استىق ونىمدەرى ماسەلەسىنە توقتالدى.

«ىستامبۇل كەلىسىمىن نىعايتىپ، رەسەي تىڭايتقىشتارى الەمنىڭ ەڭ كەدەي ەلدەرىنە جەتكىزىلۋى ءۇشىن بۇل كەلىسىمدى قايتادان تۇركيا ارقىلى جالعاستىرۋ قاجەت. دامىماعان ەلدەرگە استىق ونىمدەرى مەن تىڭايتقىشتار جەتكىزۋگە بەل بۋدىق»، -دەدى رەدجەپ ەردوعان.

تۇركيا باسشىسى "تۇركيا مەن رەسەي بىرگە" دەپ تۇيىندەدى.

«ءبىز بەرىك بەكىنگەنبىز. ءبىزدىڭ ۆەدومستۆولارىمىزداعى مينيسترلەردىڭ كەزدەسۋلەرى ۇلكەن ماڭىزعا يە جانە ءبىزدىڭ قارىم-قاتىناسىمىزدى نىعايتا تۇسەدى»، -دەدى رەدجەپ ەردوعان.

13 قازاندا استانادا ازياداعى ءوزارا ءىس-قيمىل جانە سەنىم شارالارى كەڭەسىنىڭ VI ءسامميتى ءوتتى. تۇركيا پرەزيدەنتى استاناعا مەملەكەتتىك ساپارمەن 12 قازاندا كەلدى. ۆلاديمير پۋتين قازاقستان استاناسىنا 13 قازاندا كەلدى.