قازاقستاندا 10 مىڭعا جۋىق سايلاۋ ۋچاسكەسى قۇرىلدى.
ق ر ىشكى ىستەر ءمينيسترى مارات احمەتجانوۆ قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىن سايلاۋ كۇنى قوسىمشا پوليسيا كۇشتەرى جۇمىلدىرىلاتىنىن ايتتى، دەپ حابارلايدى Almaty-akshamy.kz
ءمينيستردىڭ سوزىنشە، قازاقستاندا 10 مىڭعا جۋىق سايلاۋ ۋچاسكەسى قۇرىلدى. ولاردى پوليسيا كۇزەتەدى.
"بىزدە 10 مىڭ سايلاۋ ۋچاسكەسى بار. ءبىز ولاردى كۇزەتۋگە مىندەتتىمىز، سوندىقتان قوسىمشا كۇشتەر تارتىلادى. ول جەرگە سايلاۋ بيۋللەتەندەرى اكەلىنگەن كەزدە، ولار تاۋلىك بويى كۇزەتىلەدى، بۇعان قوسا قوعامدىق قاۋىپسىزدىكتى قامتاماسىز ەتۋ ءۇشىن ءبىزدىڭ پاترۋلدەر ناق سول ۋچاسكەلەرگە جاقىن ماڭداعى شەڭبەردى نازاردا ۇستايدى. نەگىزىندە، بايقاماعان بولارسىز، كۇن سايىن جالپى سانى 12 مىڭ ادام بولاتىن پاترۋلدەر اۋىسىممەن شىعىپ، ءسىزدىڭ تىنىشتىعىڭىز بەن قاۋىپسىزدىگىڭىزدى قامتاماسىز ەتەدى"، - دەدى مارات احمەتجانوۆ.