بۇل بارلىق دەڭگەيدەگى ءماسليحاتتارعا قاتىستى.
ۇلتتىق ەكونوميكا ۆيسە-مينيسترى باۋىرجان وماربەكوۆتىڭ ايتۋىنشا، ءماسليحاتتارعا قوسىمشا وكىلەتتىكتەر بەرىلمەك، دەپ حابارلايدى Almaty-akshamy.kz
سپيكەردىڭ سوزىنشە، ەلدە ءماسليحاتتاردىڭ مارتەبەسىن ارتتىرۋ ماقساتى كوزدەلىپ وتىر.
"بارلىق دەڭگەيدەگى ءماسليحاتتارعا قوسىمشا وكىلەتتىكتەر بەرىلەتىن بولادى. اتاپ ايتقاندا، اكىمدەردىڭ حالىقپەن كەزدەسۋلەرىندە كوتەرىلگەن پروبلەمالاردى شەشۋىنە مونيتورينگ جۇرگىزۋ، دەپۋتاتتاردىڭ اكىمدىكتىڭ بيۋدجەتتىك كوميسسيالارىنىڭ جۇمىسىنا قاتىسۋى، قاجەت بولعان جاعدايدا بيۋدجەتتى ناقتىلاۋعا باستاماشىلىق جاساۋ قۇقىعىن بەرۋ. سونداي-اق، ءماسليحات ءتوراعاسىنىڭ جانە ءماسليحات اپپاراتى باسشىسىنىڭ اكىمشىلىك جانە ۇيىمداستىرۋ ماسەلەلەرى بويىنشا وكىلەتتىكتەرى قارالعان"، - دەپ اتاپ ءوتتى ۇلتتىق ەكونوميكا ۆيسە-مينيسترى.