اۋىلداردى دامىتۋ ءۇشىن قوسىمشا 55 ملرد تەڭگە بولىنەدى. بۇل تۋرالى ق ر ۇلتتىق ەكونوميكا ۆيسە-مينيسترى باۋىرجان وماربەكوۆ ورتالىق كوممۋنيكاسيالار قىزمەتىندە وتكەن بريفينگتە ايتتى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
«سوڭعى جىلدارى بارلىعى 1 031 اۋىل جوبالارمەن قامتىلدى. «اۋىل – ەل بەسىگى» جوباسىنا 143 ملرد تەڭگە ءبولىنىپ، 736 اۋىلدا 1 500-دەن استام جوبا ىسكە اسىرىلادى. سونىمەن قاتار، 2023 جىلعى رەسپۋبليكالىق بيۋدجەتتى ناقتىلاۋ اياسىندا قوسىمشا 55 ملرد تەڭگە ءبولۋ جوسپارلانىپ وتىر»، - دەدى وماربەكوۆ.
ول اتاعانداي، بۇل 120-دان استام تۇرعىن ۇي-كوممۋنالدىق شارۋاشىلىق نىسانىن، 275 الەۋمەتتىك ينفراقۇرىلىم نىسانىن جانە 1 300 كولىك ينفراقۇرىلىمى جوباسىن ىسكە اسىرۋعا مۇمكىندىك بەرەدى.
«بۇدان باسقا اۋىلدىق جەرلەردە كادرلىق الەۋەتتى ارتتىرۋ ماقساتىندا 2009 جىلدان باستاپ «ديپلوممەن اۋىلعا» جوباسى ىسكە اسىرىلىپ جاتىر. 2009 - 2022 جىلداردىڭ قورىتىندىسى بويىنشا 95 مىڭ مامان كوتەرمە جاردەماقى جانە 45 مىڭ مامان تۇرعىن ءۇي ساتىپ الۋ ءۇشىن بيۋدجەتتىك كرەديتتەر الدى. سونداي-اق، بيىل «ديپلوممەن اۋىلعا» جوباسىن ىسكە اسىرۋعا تۇرعىن ءۇي ساتىپ الۋ ءۇشىن بيۋدجەتتىك كرەديتتەر بەرۋگە 3 800 مامانعا 20 ملرد تەڭگە ءبولىندى»، - دەدى ول.