الماتىدا اعىمداعى جىلعى 20 قاراشاعا بەلگىلەنگەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا دايىندىق جانە ونى دۇرىس وتكىزۋ ماسەلەلەرى جونىندە سەمينار ءوتتى.
اۋماقتىق جانە ۋچاسكەلىك سايلاۋ كوميسسيالارى جۇمىسىنىڭ تيىمدىلىگىن ارتتىرۋدى ماقسات ەتكەن ءىس-شارانى قازاقستان رەسپۋبليكاسى ورتالىق سايلاۋ كوميسسياسى الماتى قالالىق اۋماقتىق سايلاۋ كوميسسياسى ۇيىمداستىردى.
الماتى اۋماقتىق سايلاۋ كوميسسياسىنىڭ ءتوراعاسى جاننا اسانوۆا جۇرگىزىپ وتىرعان سەمينار جۇمىسىنا ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ، الماتى قالاسى اكىمى اپپاراتى باسشىسىنىڭ ورىنباسارى قانات سۋحامبەكوۆ، پد پولكوۆنيگى دياس دۋانبەكوۆ جانە الماتى قالاسىنىڭ ايماقتىق ۋچاسكەلىك سايلاۋ كوميسسيالارىنىڭ مۇشەلەرى، ق ر پرەزيدەنتتىگىنە ۇمىتكەرلەردىڭ سايلاۋالدى شتابىنىڭ وكىلدەرى، ساياسي پارتيالار مەن قوعامدىق بىرلەستىكتەردىڭ وكىلدەرى، پروكۋراتۋرانىڭ، وتاندىق باقىلاۋشىلار، سونداي-اق ب ا ق وكىلدەرى قاتىستى.
سەمينار بارىسىندا ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ كەزەكتەن تىس پرەزيدەنت سايلاۋى ەل ومىرىندەگى ماڭىزدى ساياسي وقيعا ەكەنىن ايتا كەلىپ، سلايد ارقىلى ەلدەگى سايلاۋ ناۋقانىنا دايىندىققا قىسقاشا توقتالىپ ءوتتى. ونىڭ ايتۋىنشا، ورتالىق سايلاۋ كوميسسياسى ەلىمىزدىڭ بارلىق وڭىرىندە 20 قاراشاعا بەلگىلەنگەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ ماسەلەلەرى جونىندە كەزدەسۋلەر ۇيىمداستىردى.
الماتى قالاسى اكىمى اپپاراتى باسشىسىنىڭ ورىنباسارى قانات سۋحامبەكوۆ سايلاۋ ناۋقانىن دايىنداۋ مەن وتكىزۋگە بايلانىستى سايلاۋدى ۇيىمداستىرۋشىلار قىزمەتىنىڭ نەگىزگى اسپەكتىلەرىن، سايلاۋشىلار ءتىزىمى بويىنشا اتقارىلعان جۇمىستار، سونداي-اق، مۇمكىندىگى شەكتەۋلى جاندار ءۇشىن سايلاۋ ۋچاسكەلەرىنىڭ فيزيكالىق قولجەتىمدىلىگىن جانە داۋىس بەرۋ شارتتارىن قامتاماسىز ەتۋ تۋرالى جان-جاقتى باياندادى.
– قازاقستان رەسپۋبليكاسى زاڭدارىنا سايكەس الماتى قالاسى بويىنشا
1179 590 مىڭ سايلاۋشى تىركەلگەن. 600 ۋچاسكەلىك سايلاۋ كوميسسياسى بار. ونىڭ 531ء-ى اشىق فورماتتاعى مەكەنجايلار بولسا، قالعان 69-ى اۋرۋحانا مەن اسكەري ورىندار سىندى ارنايى مەكەمەلەر. الماتىلىقتار سايلاۋشىلار تىزىمنەن وزدەرىن https://mapalmaty.kz سايتى ارقىلى، Open Almaty پورتالىندا نەمەسە Telegram Bot @almaty_sailau2022_bot ارقىلى تەكسەرىپ، ءوز سايلاۋ ۋچاسكەسىنىڭ مەكەنجايىن بىلە الادى. سونداي-اق، 1315 نومىرىنە 8.00-دەن 20.00-گە دەيىن قوڭىراۋ شالۋعا بولادى. سايلاۋ كۇنى، ياعني 20 قاراشادا وتەتىن كەزەكتەن تىس پرەزيدەنت سايلاۋىندا الماتى قالاسى اكىمدىگى مۇمكىندىگى شەكتەۋلى ازاماتتاردىڭ ەش كەدەرگىسىز سايلاۋعا قاتىسۋىنا جاعداي جاساۋ ماقساتىندا بارلىق جاعدايدى قاراستىرىپ وتىر. سايلاۋ كۇنى 50-دەن استام ينۆاتاكسي قىزمەت كورسەتەدى. مۇگەدەك جاندارعا ارناپ ارناۋلى بۇرىش جابدىقتالادى، سونداي-اق، پاندۋستارمەن، كىرە بەرىستەرگە تاكتيلدى بەلگىلەر قويىلادى. الداعى سايلاۋدىڭ بارىنشا جوعارى دەڭگەيدە ءوتۋى ءۇشىن بارلىق سايلاۋ ۋچاسكەلەرى قاجەتتى جابدىقتارمەن قامتاماسىز ەتىلەدى. ۋچاسكەلەردە مىندەتتى تۇردە تاۋەلسىز بايقاۋشىلار بولادى، - دەدى قانات ءسادۋاقاس ۇلى.
الماتى قالاسى پوليسيا دەپارتامەنتىنىڭ وكىلى دياس ەركىنباي ۇلى سايلاۋ ناۋقانىن وتكىزۋدىڭ زاڭدىلىعىن قامتاماسىز ەتۋ جونىندەگى شارالارعا، سونىمەن قاتار سايلاۋ زاڭناماسىنىڭ نورمالارىن بۇزۋشىلىقتىڭ قۇقىقتىق سالدارىنا نازار اۋداردى.
ءىس-شاراعا قاتىسۋشىلار داۋىس بەرەتىن كۇنى ەلەكتروندى ءتولقۇجاتتى پايدالانۋدىڭ ءتارتىبىن، اشىق ءارى ءادىل سايلاۋ وتكىزۋ ماقساتىنداعى وزەكتى ماسەلەلەردى، سايلاۋ پروسەسىنە قاتىسۋشىلاردىڭ ءوزارا ءىس-قيمىلى تيىمدىلىگىن ارتتىرۋدىڭ نىساندارى مەن ادىستەرىن، سونىمەن قاتار سايلاۋ كۇنى ۋچاسكەلىك سايلاۋ كوميسسيالارى قىزمەتىنىڭ ۇيىمداستىرۋشىلىق اسپەكتىلەرىن تالقىلادى.
سەمينار بارىسىندا الماتى اۋماقتىق سايلاۋ كوميسسياسىنىڭ ءتوراعاسى جاننا اسانوۆا سپيكەرلەردىڭ سويلەگەن سوزدەرى، سونداي-اق بەلسەندى پىكىر الماسۋ قاتىسۋشىلاردىڭ بارلىعى ءۇشىن پايدالى بولاتىنىنا، سەميناردا العان اقپاراتتاردى ۋچاسكەلىك سايلاۋ كوميسسيالارىنىڭ مۇشەلەرى داۋىس بەرۋدى ۇيىمداستىرۋ مەن وتكىزۋ جونىندەگى وزدەرىنىڭ تىكەلەي جۇمىسىندا تابىستى پايدالاناتىندارىنا سەنىم ءبىلدىردى.
ال ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ: «ءبىزدىڭ ورتاق جانە نەگىزگى ماقساتىمىز، بۇل – ساياسي ناۋقاندى سايلاۋ زاڭناماسىنىڭ تالاپتارىنا سايكەس وتكىزۋ»، - دەپ سەمينار جۇمىسىن قورىتىندىلادى.