جەتىسۋ وبلىسىنىڭ دەنساۋلىق ساقتاۋ سالاسى 40 جەدەل جاردەم كولىگىمەن تولىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
تالدىقورعاندا كولىكتەردىڭ كىلتىن بەرۋ ءراسىمى سالتاناتتى تۇردە ۇيىمداستىرىلىپ، وعان وبلىس اكىمى بەيبىت يسابايەۆ پەن جەتىسۋ وبلىستىق دەنساۋلىق ساقتاۋ باسقارماسىنىڭ باسشىسى اسقار دجانسەنگىروۆ قاتىستى.
«بيىل وبلىستا دەنساۋلىق ساقتاۋ سالاسىنا 1،4 ملرد تەڭگە قارجى ءبولىندى. سونىڭ ەداۋىر بولىگى ماتەريالدىق بازانى جاقسارتۋعا باعىتتالىپ وتىر.
مەملەكەتتىك قولداۋدىڭ ارقاسىندا بيىل وبلىستىڭ 6 اۋدانىنىڭ اۋىلدارىندا 12 بلوك-مودۋلدىك مەديسينالىق كەشەن ورناتىلادى.
ەكى جىلدا مۇنداي نىساندار تاعى 40 اۋىلدا سالىنادى.
2023 جىلدان باستاپ «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا ءوڭىر اۋىلدارىندا تاعى 59 نىساننىڭ قۇرىلىسى جوسپارلانعان (15 دارىگەرلىك امبۋلاتوريا، 39 فەلدشەرلىك-اكۋشەرلىك پۋنكت، 5 مەدپۋنكت).
مەديسينا مەكەمەلەرىن سالۋ مەن ولاردى كۇردەلى جوندەۋ، زاماناۋي قۇرال-جابدىقتارمەن قامتۋ جونىندە پرەزيدەنت قاسىم-جومارت توقايەۆ وبلىسقا كەلگەن ساپارىندا بىزگە ناقتى تاپسىرما بەردى.
سوعان بايلانىستى وبلىستا مەديسينا سالاسىندا قۇرىلىس قارقىندى جالعاسادى.
بىزدە، اسىرەسە اۋىلدىق جەرلەردە جەدەل جاردەم كولىگىنىڭ جەتىسپەۋشىلىگى بايقالادى.
جەدەل جاردەم قىزمەتكەرلەرى – ناۋقاستارعا ءبىرىنشى كەزەكتە شۇعىل كومەك بەرەتىن نەگىزگى بريگادا.
سوندىقتان ونىڭ ءتيىستى سانيتارلىق كولىكتەرمەن قامتاماسىز ەتىلۋى اسا ماڭىزدى.
«سوعان وراي 13 سانيتارلىق اۆتوكولىك ساتىپ الىنىپ، اۋداندارعا بەرىلەدى (8 بەرىلدى، 5-ەۋى قاڭتاردا بەرىلەدى). وتكەن جىلى جەدەل جاردەم اۆتوپاركى سانيتارلىق كولىكتىڭ كىلتىن تاپسىرعالى تۇرمىز. بۇل جەدەل جاردەم اۆتوكولىكتەر العاشقى مەديسينالىق كومەككە قاجەتتى بارلىق قۇرالدارمەن جابدىقتالعان»، - دەدى جەتىسۋ وبلىسىنىڭ اكىمى بەيبىت يسابايەۆ.
ءوڭىر باسشىسىنىڭ سوزىنشە، وبلىستاعى جەدەل جاردەم ستانساسىنىڭ سانيتارلىق اۆتوكولىكپەن قامتاماسىز ەتىلۋى 100%-عا جەتتى.