قازاقستاندا ادام كوپتەگەن سەبەپپەن ىزدەۋدە بولۋى مۇمكىن. ولاردىڭ قاتارىندا زاڭ تالابىن ورىنداۋدان جالتارعان، اليمەنت تولەمەگەندەر، حابار-وشارسىز كەتكەندەر جانە باسقالارى بار، دەپ حابارلايدى Almaty-akshamy.kz Inform.kz-كە سىلتەمە جاساپ.
Ranking.kz مالىمەتىنە قاراعاندا، وسى ساناتتاردىڭ ءارقايسىسى بويىنشا قۇقىق قورعاۋ ورگاندارى جىل سايىن ەگجەي-تەگجەيلى ستاتيستيكالىق مالىمەت ۇسىنادى.
ماسەلەن، 2021 جىلى بارلىعى 21 مىڭنان استام ادام ىزدەۋدە بولدى.
ال ىزدەۋدەگى ادامداردىڭ ەڭ كوپ تاراعان ءۇش ساناتى — سوتتان، تەرگەۋشى مەن پروكۋروردان جاسىرىنعاندار، قارىزىن تولەمەيتىندەر جانە اليمەنت تولەمەيتىندەر.
ءبىرىنشى ساناتقا كەلەتىن بولساق، 2017 جىلدان 2022 جىلدىڭ قىركۇيەگىنە دەيىن قازاقستاندا جىل سايىن 7،1 مىڭعا جۋىق ادام ىزدەۋدە بولعان.
ولاردىڭ ۇستالۋ ىقتيمالدىعى - 54،7 پايىز.
ىزدەۋدەگى ادامداردىڭ ەكىنشى ساناتى — اتقارۋشىلىق ءىس جۇرگىزۋدەگى بورىشكەرلەر.
2018 جىلدان بەرى ىشكى ىستەر مينيسترلىگى جىل سايىن 4،9 مىڭعا جۋىق بورىشكەرگە ىزدەۋ جاريالايدى.
ءۇشىنشى سانات - اليمەنت تولەۋدەن جالتارعاندار. قۇقىق قورعاۋ ورگاندارى جىل سايىن ورتا ەسەپپەن 3،5 مىڭ ادامدى ىزدەستىرەدى.
سۋرەت: Informburo.kz