تۇركياداعى جالپى سايلاۋ التى ايدان ءبىر جىلعا دەيىن شەگەرىلۋى مۇمكىن، دەپ حابارلايدى Almaty-akshamy.kz.
Habertürk باسىلىمىنىڭ جازۋىنشا، ەلدىڭ باسقارۋشى پارتياسى اۋقىمدى جەر سىلكىنىسى جاعدايىندا بۇل ماسەلەگە بايىپپەن قارايدى.
«سايلاۋ تۋرالى شەشىم قابىلدانادى. سودان كەيىن جوعارعى سايلاۋ كوميسسياسى جەر سىلكىنىسىنىڭ سالدارىنا بايلانىستى سايلاۋ وتكىزۋ ءىس جۇزىندە مۇمكىن بولماي تۇرعانىن ايتىپ، سايلاۋدى كەيىنگە قالدىرۋدى سۇرايدى»، - دەلىنگەن جازبادا.
سونداي-اق باسىلىم سايلاۋدى كەيىنگە قالدىرۋ كۇن تارتىبىندە تۇرعانىن، ويتكەنى جەر سىلكىنىسىنە قاتىستى قازىرگى جاعداي وسىعان دەيىنگى سايلاۋدى ناتيجەسىز ەتكەنىن اتاپ وتكەن.
ماقالا اۆتورى فاتيحا التايلىنىڭ جازۋىنشا، سايلاۋدى كەيىنگە قالدىرۋ ءۇشىن بيلىك كونستيتۋسيالىق سوتتىڭ وسىعان ۇقساس جاعدايعا قاتىستى ەسكى شەشىمدەرىنىڭ ءبىرىن پايدالانادى.