الماتىدا قالتا ۇرلىعىمەن اينالىسقان «قىلمىستىق ۇشتىك» قولعا ءتۇستى.
ۇرلانعان تەلەفوندى ساتپاق بولعان ءۇش قالتا ۇرىسى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇتقىنداۋدى مەدەۋ اۋداندىق پوليسيا ،اسقارماسىنداعى ارىپتەستەرىنىڭ كومەگىمەن كپب ارنايى توبىنىڭ قىزمەتكەرلەرى جۇرگىزدى. ءۇش ەر ادام ويىن-ساۋىق مەكەمەلەرىندە قالتا ۇرلىعىن جاسادى دەگەن كۇدىككە ءىلىندى. ماسەلەن، وتكەن كۇنى ءدامحانالاردىڭ بىرىندە كەلۋشىنىڭ IPhone تەلەفونى ۇرلانعان. ايىپتالۋشىلار ءموبيلدى قۇرىلعىنى ساتۋ كەزىندە ۇستالدى. بوتەننىڭ مۇلكىن ۇرلاۋ دەرەگى بويىنشا قىلمىستىق ءىس تىركەلدى. تەرگەۋدىڭ وسى كەزەڭىندە وسىعان ۇقساس ەكى ەپيزود انىقتالدى. كۇدىكتىلەرگە كەلسەك، ولار – الماتى وبلىسىنىڭ 35، 31 جانە 29 جاستاعى تۇرعىندارى. ولاردىڭ ەكەۋى بۇرىن مۇلىكتىك قىلمىس، سونىڭ ىشىندە توناۋ جاساعانى ءۇشىن بىرنەشە رەت سوتتالعان»، – دەيدى، الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.