وقۋلىقتاردى ازىرلەۋ كەشەندى ءتاسىلدى قاجەت ەتەدى

بۇل تۋرالى وقۋ-اعارتۋ ءمينيسترى ايتتى.

وقۋ-اعارتۋ ءمينيسترى عاني بەيسەمبايەۆ باستاۋىش، نەگىزگى جانە جالپى ورتا ءبىلىم بەرۋ پاندەرىنىڭ وقۋ باعدارلامالارى مازمۇنىن وزگەرتۋ بويىنشا جۇمىس توبىمەن كەزدەستى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

ى.التىنسارين اتىنداعى ۇبا-نىڭ ۆيسە-پرەزيدەنتى ءاليا چوكۋشيەۆانىڭ ايتۋىنشا، وقۋ باعدارلامالارىنىڭ مازمۇنىنا وزگەرىستەر ەنگىزۋ جۇمىسى 2022 جىلدىڭ ماۋسىم ايىندا باستالدى.

«بۇل كەزەڭدە جۇمىس توبى وقۋ باعدارلامالارىنىڭ قۇرىلىمىن ازىرلەدى، ءار ءپان بويىنشا ماقسات، مىندەتتەر تۇزەتىلدى. سونىمەن قاتار ءبىلىم الۋشىلاردىڭ فۋنكسيونالدىق ساۋاتتىلىعىن قالىپتاستىرۋعا باعىتتالعان كونتەنت ينتەگراسياسى ىسكە اسىرىلدى. وقۋ باعدارلامالارىنىڭ جۇيەلىلىگى مەن بىرىزدىلىگى، ولاردىڭ ءبىلىم الۋشىلاردىڭ جاسى مەن فيزيولوگيالىق ەرەكشەلىكتەرىنە سايكەستىگى قامتاماسىز ەتىلدى»، — دەدى ءا.چوكۋشيەۆا.

سونىمەن قاتار ءبىلىم بەرۋدىڭ وقۋ باعدارلامالارىن ازىرلەۋدىڭ حالىقارالىق تاجىريبەسى مەن ستاندارتتارى زەردەلەندى. سالىستىرمالى تۇردە تالداۋ جاسالىپ، ءپان مۇعالىمدەرىنىڭ رەسپۋبليكالىق سەزدەرىندە ايتىلعان ۇسىنىستارى ەسكەرىلگەن.

كەزدەسۋ بارىسىندا مينيستر وقۋلىقتاردى ازىرلەۋ كەشەندى ءتاسىلدى قاجەت ەتەتىنىن جانە ناقتى شەشىمدى ساراپشىلار قابىلداۋى ءتيىس ەكەنىن اتاپ ءوتتى. جۇمىس قورىتىندىسى بويىنشا وقۋ باعدارلامالارى ساراپتاماعا جىبەرىلەتىن بولادى.