سايلاۋ داتاسى بەلگىلەنگەننەن كەيىن ەكى ايدىڭ ىشىندە سايلاۋ وتكىزىلەتىن بولادى.
ق ر ادىلەت ءمينيسترى قانات مۋسين الداعى كۇزدە ءوتۋى ءتيىس كەزەكتەن تىس پرەزيدەنت سايلاۋىنىڭ داتاسىنا قاتىستى ساۋالعا جاۋاپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەملەكەت باسشىسى ءوزىنىڭ جولداۋىندا جاريا ەتكەندەي، كەزەكتەن تىس سايلاۋ وسى جىلدىڭ كۇزىندە وتەتىن بولادى. سايلاۋدىڭ ناقتى قاي كۇنى وتەتىنىن پرەزيدەنت جارلىعىمەن جاريا ەتەدى. سايلاۋ داتاسى بەلگىلەنگەننەن كەيىن ەكى ايدىڭ ىشىندە سايلاۋ وتكىزىلەتىن بولادى»، - دەدى قانات مۋسين پارلامەنت پالاتالارىنىڭ بىرلەسكەن وتىرىسىنان كەيىن ب ا ق وكىلدەرىنىڭ ساۋالىنا وراي.
ايتا كەتەيىك، بۇگىن دەپۋتاتتار «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋ ەنگىزۋ تۋرالى» ق ر زاڭىن قابىلدادى.
وعان سايكەس، پرەزيدەنتتىڭ مانداتى قايتا سايلانۋ مۇمكىندىگىنسىز ءبىر مەرزىمگە شەكتەلىپ، جەتى جىل مەرزىمگە ۇزارتىلادى؛ نۇر-سۇلتان قالاسىنىڭ اتاۋى قايتادان استانا بولىپ وزگەرەدى؛
كونستيتۋسيالىق سوت سۋديالارىنىڭ وكىلەتتىك مەرزىمى 8 جىلعا دەيىن ۇلعايتىلادى.