ايەلدەردىڭ زەينەتكەرلىككە 61 جاسىندا شىعاتىنى حابارلاندى.
وڭىرلىك كوممۋنيكاسيالار قىزمەتى الاڭىندا ق ر پرەزيدەنتى قىركۇيەك ايىنداعى جولداۋىندا زەينەتاقى جۇيەسىنىڭ تيىمدىلىگىن ارتتىرۋ بويىنشا جاڭا شارالار پاكەتىن ءتۇسىندىرۋ بويىنشا بريفينگ ءوتتى، دەپ حابارلايدى Almaty-akshamy.kz
ەڭبەك جانە الەۋمەتتىك قورعاۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ الەۋمەتتىك ماسەلەلەر جونىندەگى ورىنباسارى ريزۆانگۋل دارايەۆا ايەلدەر زەينەتكەرلىككە 61 جاسىندا شىعاتىنىن حابارلادى.
«جولداۋ شارالارىنىڭ ءبىرى 2023 جىلدان باستاپ ايەلدەردىڭ زەينەتكەرلىك جاسىن 61 جاس دەڭگەيىندە 5 جىلعا جوسپارلانعان ارتتىرۋدى توقتاتا تۇرۋمەن بايلانىستى بولدى. بۇل شەشىم كوروناۆيرۋستىق پاندەميانىڭ ازاماتتاردىڭ دەنساۋلىعى مەن ءومىر ءسۇرۋ ۇزاقتىعىنا تەرىس اسەرىن ەسكەرە وتىرىپ قابىلداندى. كەلەسى 5 جىل ىشىندە دەنساۋلىق ساقتاۋ جۇيەسىن جاقسارتۋ جونىندە شارالار قابىلداناتىن بولادى. بۇل رەتتە اۋىل مەديسيناسىنا، ازاماتتاردىڭ دەنساۋلىعىن قالپىنا كەلتىرۋگە جانە قولداۋعا باعىتتالعان وڭالتۋ ورتالىقتارى جەلىسىن قۇرۋعا جانە كەڭەيتۋگە ەرەكشە نازار اۋدارىلاتىن بولادى»، - دەدى ريزۆانگۋل دارايەۆا.
سونىمەن قاتار، پرەزيدەنت جولداۋىندا زەينەتاقى جۇيەسىنىڭ تيىمدىلىگىن ارتتىرۋ تۋرالى ايتىلدى. 2023 جىلعى 1 قاڭتاردان باستاپ 2027 جىلعا دەيىن ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنىڭ 54%-ىنان 70%-ىنا دەيىن، ەڭ جوعارعىسىن – تيىسىنشە 100 %-دان 120 %-عا دەيىن كەزەڭ-كەزەڭىمەن جەتكىزۋ.
وسى كەزەڭدە بازالىق زەينەتاقى مولشەرى ورتا ەسەپپەن 51%-عا دەيىن ارتاتىن بولادى. بۇل رەتتە، بازالىق زەينەتاقىنىڭ ورتاشا مولشەرىنىڭ جىل سايىنعى ءوسۋى شامامەن 13%-دى قۇراپ، بارلىق 2 ملن زەينەتكەردى قامتيدى.
ۇسىنىلىپ وتىرعان شارالار 2025 جىلعا قاراي جيىنتىق زەينەتاقىنى ورتا ەسەپپەن 27%-عا وسىرۋگە (3 جىل ىشىندە – 109 مىڭنان 138 مىڭ تەڭگەگە دەيىن) جانە جيىنتىق زەينەتاقىداعى مەملەكەتتىك تولەمدەردىڭ ۇلەس سالماعىن ارتتىرۋعا مۇمكىندىك بەرەدى. وسىلايشا، مەملەكەت قارت ادامدار اراسىندا كەدەيلىكتىڭ وسۋىنە جول بەرمەۋ ءۇشىن شارالار قابىلدايدى.
سونداي-اق ريزۆانگۋل دارايەۆا بجزق-نىڭ جاڭا ينۆەستيسيالىق ستراتەگياسى ازىرلەنەتىنىن حابارلادى.
«جيناقتاۋشى زەينەتاقى جۇيەسىنىڭ قارجىلىق تۇراقتىلىعىن قامتاماسىز ەتۋ جانە ازاماتتاردىڭ زەينەتاقى جيناقتارىنىڭ تابىستىلىعىن ارتتىرۋ ماقساتىندا زەينەتاقى اكتيۆتەرىن ءتيىمدى باسقارۋدى ارتتىرۋ بويىنشا شارالار قابىلداناتىن بولادى. بۇل رەتتە بجزق-نىڭ جاڭا ينۆەستيسيالىق ستراتەگياسىن ازىرلەۋ جانە زەينەتاقى اكتيۆتەرىن باسقارۋعا ينۆەستيسيالاۋدا ۇلكەن تاجىريبەسى بار كاسىبي جانە اشىق جەكە كومپانيالاردى تارتۋ جوسپارلانۋدا»، - دەپ جالعاستىردى سپيكەر.
بۇگىندە ازاماتتاردىڭ زەينەتاقى اكتيۆتەرىنىڭ بۇگىنگى كولەمى 13 ترلن تەڭگەدەن استى، بجزق ينۆەستيسيالىق پورتفەلىنىڭ تابىستىلىعى وتكەن جىل ءۇشىن 11،13%-دى قۇرادى.