جاڭا پارتيالاردىڭ ءقۇۇرىلۋىنا جاعداي جاسالادى.
پرەزيدەنتتىڭ ءبىرقاتار وكىلەتتىكتەن باس تارتۋى ساياسي كۇشتەردىڭ اراسىنداعى باسەكەلەستىكتىڭ دەڭەيىن كوتەرەدى. بۇل تۋرالى ق ر كونستيتۋسيالىق كەڭەسىنىڭ اپپارات باسشىسى باقىت نۇرمۇحانوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىرىنشى - سۋپەرپرەزيدەنتتىك باسقارۋ جۇيەسىنەن پرەزيدەنتتىك باسقارۋ جۇيەسىنە كوشۋ. ول دەگەنىمىز نە؟ بىزدە پرەزيدەنتتىك باسقارۋ جۇيەسى قولدانىستاعى كونستيتۋسيا قابىلدانعان كەزدە ەنگىزىلدى. كۇشتى پرەزيدەنتتىك بيلىك تاۋەلسىزدىكتىڭ باسىندا ءارتۇرلى سالالاردا تۇبەگەيلى رەفورمالار جۇرگىزۋگە قاجەت بولدى. ءبىراق كوپ ۋاقىت وتپەي-اق 1998، 2007، 2017 جىلدارى وتكىزىلگەن كونستيتۋسيالىق رەفورمالار بارىسىندا مەملەكەت باسشىسىنىڭ وكىلەتتىكتەرى بىرتىندەپ باسقا مەملەكەتتىك ورگاندارعا بەرىلە باستادى. سول ءۇردىس قازىرگى 4ء-شى كونستيتسيالىق رەفورمادا جالعاسىن تاۋىپ وتىر. پرەزيدەنتتىڭ ءبىرقاتار وكىلەتتىكتەن باس تارتۋى، ساياسي پارتياداعى مۇشەلىگىن توقتاتۋى ەلىمىزدەگى ساياسي كۇشتەردىڭ اراسىنداعى باسەكەلەستىكتىڭ دەڭەيىن كوتەرۋگە مۇمكىندىك بەرەدى. جالپى بۇل كونستيتۋسياعا ەنگىزىلىپ جاتقان وزگەرىستەردى جولداۋدا ايتىلعان باسقا دا وزگەرىستەرمەن جۇيەلى تۇردە قاراستىرعان ءجون»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، پرەزيدەنت تەك قانا ساياسي پارتيادان شىعىپ قانا قويعان جوق، سونىمەن قاتار ساياسي پارتيالاردى قۇرۋعا قويىلاتىن تالاپتاردى ەداۋىر جەڭىلدەتىپ جاتىر. ماسەلەن، بۇرىن ساياسي پارتيا قۇرۋ ءۇشىن ونىڭ مۇشەلەرى 50 مىڭ بولۋ كەرەك بولسا، كەيىننەن 40 مىڭعا، بىلتىر 20 مىڭعا، ال ءقازىر 5 مىڭعا دەيىن تومەندەتىلدى. ياعني، جاڭا پارتيالاردىڭ ءقۇۇرىلۋىنا جاعداي جاسالادى.
«كۇشتى پرەزيدەنت، ىقپالدى پارلامەنت، ەسەپ بەرەتىن ۇكىمەت» قاعيداسىنىڭ اياسىندا وكىلدى مەملەكەتتىك بيلىك ورگاندارىنىڭ مارتەبەسى، وكىلەتتىكتەرى كۇشەيتىلمەك. وعان پارلامەنت، ءماسليحاتتار جاتادى. پارلامەنت شىن مانىندە زاڭ شىعارۋشى، حالىقتىڭ مۇددەسىن قورعايتىن وكىلدى ورگان رەتىندە قۇرىلۋى ءۇشىن قوس پالاتانىڭ دا ءتارتىبى، جۇمىس پرينسيپتەرى وزگەرتىلىپ جاتىر. ونىڭ ىشىندە سەناتتاعى پرەزيدەنت تاعايىندايتىن دەپۋتاتتاردىڭ سانى قىسقارتىلىپ، قازاقستان حالقى اسسامبلەياسىنىڭ كۆوتاسى ماجىلىستەن سەناتقا اۋىستىرىلدى. ول دەگەن اسسامبلەيادان تاعايىندالاتىن 5 دەپۋتات جالپى مەملەكەتتىك مۇددەلەرمەن قاتار قازاقستاندا تۇراتىن 100-دەن اسا حالىقتىڭ مۇددەلەرى مەن قۇقىقتارىن بىلدىرەتىن بولادى»، - دەدى باقىت نۇرمۇحانوۆ.