ساعىن ءومىرباي ۇلى رەسەيلىك «گولوس. دەتي» بايقاۋىنىڭ فينالىنا ءوتتى

ساعىنمەن بىرگە سوچيدەن كەلگەن 12 جاسار ماليكا تايگيبوۆا دا فينالعا ءوتتى

شىمكەنت قالاسىنىڭ جاس ونەرپازى ساعىن ءومىرباي ۇلى "گولوس. دەتي" رەسەيلىك شوۋىنا قاتىسىپ، ۇزدىكتەر قاتارىندا كەلەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.

12 ناۋرىزدا ساعىن ءومىرباي ۇلى رودولف فالۆونىڭ "قىزدار، قۇربىلارىڭا ايتىڭدارشى" (يتاليان جانە ورىس تىلدەرىندە) دەگەن ءانىن ورىنداپ، وعان قازىلار القاسىنىڭ ەكى مۇشەسى – تانىمال ءانشى پولينا گاگارينا مەن تانىمال رەپەر ۆاسيليي ۆاكۋلەنكو ("باستا") بۇرىلدى. ساعىن گاگارينانى تالىمگەر رەتىندە تاڭدادى.

1 ساۋىردە ءبىرىنشى ارنادا "گولوس. دەتي" رەسەيىك شوۋىندا پولينا گاگارينانىڭ كومانداسى ءوز جەتىستىكتەرىن كورسەتتى. الدىمەن جاس ورىنداۋشىلار ساحناعا ۇش-ۇشتەن شىعىپ ونەر كورسەتتى ("جەكپە – جەك" كەزەڭى)، وسىلايشا 15 قاتىسۋشىنىڭ بەسەۋى كەلەسى كەزەڭگە ءوتتى، ونىڭ ىشىندە ساعىن ءومىرباي ۇلى دا بار.

«وتە باقىتتىمىن! ءىشىم ورتەنىپ بارادى! مەن مۇندايدى مۇلدەم كۇتكەن جوقپىن!»،-دەدى ساعىن ءومىرباي ۇلى.

"كەلەسى كەزەڭگە ءوتۋ" كەزەڭىندە ول "قىزدار، قۇربىلارىڭا ايتىڭدارشى" ءانىن قايتالاپ ورىنداپ، شوۋدىڭ اقتىق سىنىنا شىقتى.
گاگارينا كومانداسىنان ساعىنمەن بىرگە سوچيدەن كەلگەن 12 جاسار ماليكا تايگيبوۆا دا فينالعا ءوتتى.

شوۋدىڭ وسى كەزەڭىندە فيناليستەردى تاڭداۋ تىكەلەي تالىمگەر پولينا گاگارينانىڭ ەنشىسىنە بەرىلدى. شوۋدىڭ اقتىق سىنى تىكەلەي ەفيردەن كورسەتىلەدى، ال بايقاۋعا قاتىسۋشىلاردىڭ تاعدىرىن كورەرمەندەر انىقتايدى.

ساعىننان باسقا، "گولوس. دەتي" رەسەيلىك شوۋىندا قازاقستاننان 14 جاسار قىزىلوردالىق تيمۋر تيان دا بار. ونىڭ تالىمگەرى ەگور كريد ەكەنىن ايتا كەتەلىك.