مەملەكەت باسشىسىنىڭ تاپسىرماسىمەن باس پروكۋراتۋرا 18 ماۋسىمدا كييەۆ قالاسىندا جۋرناليست ايدوس سادىقوۆقا جاسالعان قاستاندىق دەرەگى بويىنشا قىلمىستىق ءىس قوزعاعانىن حابارلادى.
ۋكراينانىڭ قۇقىق قورعاۋ ورگاندارى جەدەلدىگى مەن كاسىبيلىگىن كورسەتىپ، قىسقا مەرزىمدە قىلمىستى جاساعان تۇلعالاردى انىقتادى.
«باس پروكۋراتۋرا ۋكراينانىڭ قۇزىرەتتى ورگاندارىنا جاقانبايەۆ پەن قاراتايەۆتىڭ جاسالعان قىلمىسقا قاتىسى تۋرالى قىلمىستىق ءىستىڭ ماتەريالدارىن بەرۋ جونىندە حالىقارالىق تەرگەۋ تاپسىرماسىن جولدادى. 21 ماۋسىمدا التاي جاقانبايەۆ قازاقستان رەسپۋبليكاسىنىڭ ىشكى ىستەر ورگاندارىنا ءوز بەتىنشە حابارلاسىپ، ءىستىڭ ءمان-جايى بويىنشا جاۋاپ بەردى. سول كۇنى ول وسى قىلمىستى جاسادى دەگەن كۇدىكپەن ۇستالدى»، – دەپ حابارلادى ۆەدومستۆودان.
مەيرام قاراتايەۆتىڭ قايدا جۇرگەنىن انىقتاۋ ءۇشىن جەدەل ىزدەستىرۋ شارالارى ءجۇرىپ جاتىر.
«تەرگەۋ مۇددەسى ءۇشىن وزگە اقپارات جاريالانبايدى»، – دەپ ەسكەرتتى باس پروكۋراتۋرا.
ەسكە سالا كەتەيىك، 18 ماۋسىمدا كييەۆتە تۇراتىن جۋرناليست ايدوس سادىقوۆتى ءۇيىنىڭ جانىندا الدەبىرەۋ اتىپ كەتكەنىن جازعان ەدىك.