تۇركىستان وبلىسى پروكۋراتۋراسى جەتىساي اۋدانى ءبىلىم ءبولىمىنىڭ قىزمەتكەرلەرىنە قاتىستى مەملەكەتتىك قاراجاتتى اسا ءىرى مولشەردە جىمقىرۋ فاكتىسى بويىنشا سوتقا دەيىنگى تەرگەۋدى جالعاستىرىپ جاتىر.
تەرگەۋ بارىسىندا اۋداندىق ءبىلىم ءبولىمىنىڭ باسشىلىعى مەن ەسەپشىلەرى وزدەرىنىڭ، سونداي-اق تۋىستارى مەن تانىستارىنىڭ ەسەپشوتىنا بەلگىلەنگەن جالاقىدان جوعارى اقشا اۋدارۋ ارقىلى بيۋدجەت قاراجاتىن جىمقىرۋدىڭ قىلمىستىق سحەماسىن جاساعانى انىقتالدى، دەپ حابارلايدى Almaty-akshamy.kz.
2021-2023 جىلدار ارالىعىندا مەملەكەتكە 4 ملرد تەڭگەدەن استام زالال كەلگەن.
وبلىس پروكۋراتۋراسىنىڭ ارنايى پروكۋرورلارى 41 قىزمەتكەردى، ونىڭ ىشىندە 2 ءبىلىم ءبولىمىنىڭ باسشىسىن، 1 باس ەسەپشى، 2 ورىنباسارىن جانە 36 ەسەپشىنى كۇدىكتى رەتىندە تانىدى.
اۋداننىڭ بۇرىنعى جانە قازىرگى ءبىلىم ءبولىمىنىڭ باسشىلارى يزولياتورعا جابىلىپ، سوتتىڭ سانكسياسىمەن قاماۋعا الىندى.
قازىرگى ۋاقىتتا قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋدىڭ بارلىق ءمان-جايى مەن فاكتىسىن انىقتاۋعا باعىتتالعان تەرگەۋ ءجۇرىپ جاتىر.
وزگە اقپارات قپك 201-بابىنىڭ تالاپتارىنا سايكەس جاريالانبايدى.