اگروونەركاسىپتىك كەشەندى سۋبسيديالاۋ اياسىندا اۋىل شارۋاشىلىعى مينيسترلىگى 14 باعىت بويىنشا شارۋالاردى مەملەكەتتىك قولداۋ شارالارىن قامتاماسىز ەتۋ بويىنشا جۇمىس جۇرگىزۋدە.
قازاقستاندا 270 مىڭنان استام اۋىل شارۋاشىلىعى تاۋارىن وندىرۋشىلەر تىركەلگەن، ولاردىڭ 18 مىڭنان استامى ءىرى زاڭدى تۇلعالار، قالعاندارى شاعىن جانە ورتا شارۋا قوجالىقتارى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
بۇگىنگى تاڭدا مەملەكەتتىك سۋبسيديالاۋ اقپاراتتىق جۇيەسىندە 90 مىڭ بەلسەندى پايدالانۋشى تىركەلگەن.
مەملەكەتتىك جۇيەنىڭ ىسكە قوسىلۋى شارۋالاردى مەملەكەتتىك قولداۋ شارالارىمەن قامتۋدى 19%-دان 32،2%-عا دەيىن ارتتىرۋعا مۇمكىندىك بەردى. شاعىن جانە ورتا شارۋا قوجالىقتارى اراسىندا مەملەكەتتىك قولداۋ الۋشىلاردىڭ سانى ارتىپ، ماقۇلدانعان وتىنىشتەردىڭ 25 پايىزى عانا ءىرى زاڭدى تۇلعالاردان كەلەدى.
جۇيە سونىمەن قاتار استىقتى ساقتاۋ، جيناۋ جانە كەپتىرۋ ءۇشىن ارزانداتىلعان ديزەل وتىنىن ۇلەستىرۋ قىزمەتىن ۇسىنادى. ديزەل وتىنىنىڭ قالدىقتارىن ءبولۋ، جىلجىتۋ جانە ەسەپكە الۋدىڭ بارلىق پروسەستەرى اۆتوماتتاندىرىلعان.
بۇگىنگى تاڭدا بارلىق وڭىرلەردەن 45 590 ءوتىنىم بەرىلىپ، 114،7 ملرد تەڭگەگە 20 739 ءوتىنىم ماقۇلداندى. قالعان وتىنىشتەردى وبلىستىق اۋىل شارۋاشىلىعى باسقارمالارى قاراۋدا.
بۇل كورسەتكىشتەر اۋىل شارۋاشىلىعى ءونىمىن ءوندىرۋدى ۇلعايتۋعا جانە ساپاسىن ارتتىرۋعا كومەكتەسەتىن اۋىل شارۋاشىلىعى تاۋارىن وندىرۋشىلەردىڭ مەملەكەتتىك قولداۋ الۋ ۇدەرىسىنە بەلسەندى تۇردە قاتىسقانىن كورسەتەدى.