ساداق اتۋدان حالىقارالىق تۋرنير جالعاسىپ جاتىر

جارىسقا 200-گە جۋىق كاسىبي سپورتشى قاتىسىپ جاتىر

ەلوردالىق «QAZAQSTAN» جەڭىل اتلەتيكا كەشەنىندە ساداق اتۋدان "نۇر-سۇلتان گران-پري" حالىقارالىق ءتۋرنيرىنىڭ اشىلۋ سالتاناتى ءوتتى، دەپ حابارلايدى Almaty-akshamy.kz.

قازاقستان سپورتىنىڭ تاريحىندا العاش رەت ءوتىپ جاتقان حالىقارالىق دەڭگەيدەگى اۋقىمدى ءتۋرنيردىڭ رەسمي اشىلۋىنا ق ر مادەنيەت جانە سپورت ءمينيسترى داۋرەن ابايەۆ، نۇر-سۇلتان قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى الماس ابايەۆ، ساداق اتۋ فەدەراسياسىنىڭ باسشىلىعى جانە بەلگىلى سپورتشىلار قاتىستى.

جارىسقا اۆستريا، چەحيا، پولشا، گرۋزيا، بانگلادەش، رەسەي، وزبەكستان، تاجىكستان، بەلارۋس جانە قىرعىزستان ەلدەرىنەن 200-گە جۋىق كاسىبي سپورتشى قاتىسىپ جاتىر.

ايتا كەتۋ كەرەك، قاتىسۋشىلار اراسىندا وليمپيادا جانە ازيا ويىندارىنىڭ، الەم، ازيا، ەۋروپا چەمپيوناتتارىنىڭ جۇلدەگەرلەرى كوپ. ولاردىڭ قاتارىندا وليمپيادا ويىندارىنىڭ ەكى دۇركىن كۇمىس جۇلدەگەرى، ەۋروپانىڭ ەكى دۇركىن چەمپيونى جانە رەكوردسمەنى رەسەيدەن ەلەنا وسيپوۆا، ەۋروپا چەمپيوناتتارىنىڭ قولا جۇلدەگەرى جانە الەم كۋبوگى كەزەڭدەرىنىڭ جۇلدەگەرى بەلارۋس رەسپۋبليكاسىنان اننا مارۋسوۆا جانە باسقالارى بار.

تۋرنير اياسىندا جەكە جانە كوماندالىق بىرىنشىلىك جاتتىعۋلارىندا 12 مەدال جيىنتىعى ويناتىلادى.
حالىقارالىق تۋرنير 18 ماۋسىمعا دەيىن جالعاسادى.