الماتىدا حالىقارالىق فورۋمدا اگرارلىق سالاداعى وزەكتى ماسەلەلەر تالقىلاندى
بيىل اگروونەركاسىپ كەشەنىن دامىتۋدىڭ ۇلتتىق جوباسىن جۇزەگە اسىرۋ باستالدى دەپ حابارلايدى Almaty-akshamy.kz Almaty.tv-گە سىلتەمە جاساپ.
جوبانىڭ 10 جىلعا ناقتى تۇجىرىمداماسى بەكىتىلگەن. بۇل ەلىمىزدە الەۋمەتتىك ماڭىزى بار تاعام تۇرلەرىن ساپالى ءوندىرۋ مەن وسى سالادا جۇمىس ورىندارىنىڭ كوبەيۋىنە مۇمكىندىك تۋعىزادى. ال اگرارلىق سالاداعى وزگە دە وزەكتى ماسەلەلەر بۇگىن الماتىدا وتكەن حالىقارالىق فورۋمدا تالقىلاندى. جيىنعا شەت ەلدىڭ جوعارى وقۋ ورىندارىنىڭ رەكتورلارى دا قاتىستى.
«بۇگىن پاندەميادان كەيىن العاشقى رەت وففلاين رەجيمىندە تمد جەتەكشى اگرارلىق ۋنيۆەرسيتەتىنىڭ رەكتورلارى جينالىپ وتىر. ماقساتى – بۇگىنگى عىلىمي كونفەرەنسيادا تاجىريبە الماسۋ. عىلىمي تاجىريبەلەردى الىپ، ءبىز ءوزىمىزدىڭ قازاقستاندىق اگرارلىق ۋنيۆەرسيتەتتەردىڭ جۇمىسىندا پايدالاناتىن بولامىز»، – دەدى ق ر اۋىل شارۋاشىلىعى ءمينيسترى ەربول قاراشوكەيەۆ.
سونداي-اق حالىقارالىق فورۋم كەزىندە «ساپالى تاماقتانۋ» مەن «ونەگەلى ءومىر» كىتاپتارى كوپشىلىككە تانىستىرىلدى. كىتاپتا اگروونەركاسىپ سالاسىن دامىتۋدىڭ ءتۇرلى باعىتتارى كورسەتىلگەن. ادىستەمەلىك وقۋلىق لونداندا ءۇش تىلدە باسىلىپ شىعىپتى.
«قازاقستاندى اگرارلى سالادا دامىتۋ كەرەك. دۇنيەجۇزىندە 10 جىلدىڭ ىشىندە ازىق-تۇلىك ماسەلەسى تۋىنداپ تۇر. سوندىقتان دا ءبىزدىڭ ەلدى دامىتۋ، ەكسپورت ماسەلەسىن شەشۋ، ءارتۇرلى سالالاردى كوتەرۋ ماسەلەسىن تالقىلاۋعا بۇگىن رەكتورلار جينالىپ وتىر»، – دەدى ۇلتتىق عىلىمي ءبىلىم ورتالىعىنىڭ ءتوراعاسى دارحان بالپانوۆ.