الماتىدا وتكەن رەفەرەندۋمدا پارابي ونەرىنىڭ سپورت شەبەرى سابينا ابدراحمەت داۋىس بەردى. ول №267 سايلاۋ ۋچاسكەسىنە كەلىپ، ءوز تاڭداۋى مەن ازاماتتىق قۇقىعىن پايدالاندى.
— ماعان ءوز بولاشاعىمدى تاڭداۋعا مۇمكىندىك الۋ وتە ماڭىزدى. مەملەكەت بىزگە وسىنداي مۇمكىندىك بەرگەنى ءۇشىن العىسىمدى بىلدىرەمىن. الماتىدا شامامەن 60 000 مۇمكىندىگى شەكتەۋلى ادام تۇرادى، جانە قالانىڭ ينكليۋزيۆتى مۇمكىندىكتەرى ۇنەمى جاقسارىپ كەلەدى، — دەدى پاراتانس بويىنشا جارىستاردىڭ جەڭىمپازى سابينا ابدراحمەت.
سابينا ابدراحمەت باسقا دا مۇمكىندىگى شەكتەۋلى الماتىلىقتار سياقتى ينۆاتاكسي قىزمەتىن پايدالاندى.
ايتا كەتەيىك، 2024 جىلدىڭ 6 قازانىندا قازاقستاندا اەس قۇرىلىسى بويىنشا رەسپۋبليكالىق رەفەرەندۋم باستالدى. بۇگىن 10 323 داۋىس بەرۋ ۋچاسكەسى جۇمىس ىستەپ جاتىر، سونىڭ ىشىندە 59 ەلدە ورنالاسقان شەتەلدىك وكىلدىكتەردە 74 ۋچاسكە اشىلدى. داۋىس بەرۋ تىزىمىنە 12 ملن 244 مىڭ 683 ازامات ەنگىزىلگەن. رەفەرەندۋمدى 30 شەت مەملەكەتتەن جانە 4 حالىقارالىق ۇيىمنان كەلگەن 177 باقىلاۋشى قاداعالاپ وتىر.