وسىنداي ىرگەلى ءىس-شارالاردا داۋىس بەرگەن دۇرىس قوي دەپ ويلايمىن. جالپى حالىقتىڭ تىلەگى قابىل بولسىن. ءسىزدىڭ داۋسىڭىز ماڭىزدى.
بۇرىن ءبىزدىڭ اكە-انالارىمىز، اتالارىمىز مەرەكەگە جينالعانداي جينالاتىن. سايلاۋ ۋچاسكەلەرىندە مۋزىكا قوسىپ قوياتىن. اۋىلدا باياعىدا ۇلكەندەر ۋچاسكەلەردە وسىلايشا داۋىس بەرەتىن. بالالىق شاعىمنان ەسىمدە قالعانى داۋىس بەرۋ ۇلكەن مەيرام بولاتىن. سوندا داۋىستى قالاي بەرەسىزدەر دەپ سۇراعاندا: «ۇلكەن اۋلاعا شىعىپ ايعايلايمىز» دەپ قاعىتىپ كۇلدىرەتىن.
بۇل ماسەلەنىڭ ءمان-ماعىناسى وتە ماڭىزدى. وتە كەرەك دۇنيە. سوندىقتان مەنىڭ تىلەرىم قازاق حالقىنىڭ، ۇرپاعىمىزدىڭ بولاشاعى جارقىن، تىنىش بولسىن. قازاق حالقى ەشكىمگە مۇقتاج بولماي، ەڭسەسى تىك، قاي جاعىنان بولسا دا دەربەس عۇمىر كەشە بەرگەي!