الماتىداعى ۇلى وتان سوعىسىنىڭ ارداگەرى يليا گريگوريەۆيچ كۋدين 97 جاسقا قاراماستان، جەتىسۋ اۋدانىنداعى №351 ۋچاسكەگە ءوز بەتىنشە كەلىپ، داۋىس بەردى. ول ەلىمىزگە بەيبىت اتوم قاجەت ەكەنىن اتاپ ءوتتى.
— مەن 1944 جىلى مايدانعا شاقىرىلىپ، قيىر شىعىستاعى كۆانتۋن ارمياسىن جويۋعا قاتىستىم. كەيىن قوعام يگىلىگى ءۇشىن ەڭبەك ەتتىم، ال بۇگىن ءبىزدىڭ حالىقتىڭ شەشىمىنەن كوپ نارسە تاۋەلدى ەكەنىن ايتقىم كەلەدى. ءبىز، ۇلى وتان سوعىسىنىڭ ارداگەرلەرى، بولاشاقتى الىستان كورۋگە مۇمكىندىگىمىز بولماۋى مۇمكىن، ءبىراق مەن وتانىمىزدىڭ، بولاشاق ۇرپاقتاردىڭ جارقىن جانە تۇراقتى بولاشاعىنا سەنەمىن، سول ۇرپاقتار ءۇشىن ءبىز تالاي جىل بۇرىن سۇراپىل سوعىستا جەڭىسكە جەتتىك. بەيبىت اتوم ءبىزدىڭ نەمەرەلەرىمىزدىڭ سەنىمدى سەرىگى بولۋى كەرەك، — دەدى ارداگەر.