جىل سايىن جۇرەك پاتولوگياسى بار ءبىر جاسقا دەيىنگى 1500-دەن استام نارەستە كارديوحيرۋرگيالىق كومەك الادى
ۇلتتىق عىلىمي كارديوحيرۋرگيالىق ورتالىقتا «Quo vadis؟» جۇرەك ورتالىعى» قورى ۇيىمداستىرعان قازاقستاننىڭ بالالار كارديولوگياسى مەن كارديوحيرۋرگياسى ءۇشىن ماڭىزدى وقيعا بولدى.
كونفەرەنسياعا قازاقستاننىڭ جەتەكشى كلينيكالارىنىڭ، مەملەكەتتىك قۇرىلىمدارىنىڭ وكىلدەرىن، ماماندارى مەن ساراپشىلارىن قوسقاندا 200-دەن استام ادام قاتىستى. بايانداماشىلاردىڭ قاتارىندا يزرايل (اريەل ۋنيۆەرسيتەتى جانە شنايدەر بالالار مەديسينالىق ورتالىعى)، اقش (پيتتسبۋرگ ۋنيۆەرسيتەتىنىڭ بالالار اۋرۋحاناسى)، تۇركيا (مەحمەت اكيف ەرسوي اتىنداعى ستامبۋل كەۋدە جانە جۇرەك-قان تامىرلارى حيرۋرگياسى وقۋ-زەرتتەۋ اۋرۋحاناسى)، بەلارۋس (بالالار حيرۋرگياسىنىڭ رەسپۋبليكالىق عىلىمي-پراكتيكالىق ورتالىعى) سپيكەرلەرى دە ءسوز سويلەدى.
ق ر دسم انا مەن بالا دەنساۋلىعىن ساقتاۋ دەپارتامەنتىنىڭ ديرەكتورى ماعريپا ەمبەرگەنوۆا بالالار كارديولوگياسى مەن كارديوحيرۋرگياسى – بۇل ءاربىر جاڭا جاڭالىق، ءاربىر جاڭا ءادىس كوپتەگەن بالالاردىڭ ءومىرىن ساقتاپ، بولاشاعىن قامتاماسىز ەتە الاتىن سالالار ەكەنىن اتاپ ءوتتى. ءبىزدىڭ ورتاق ماقساتىمىز – جۇرەك اۋرۋىمەن اۋىراتىن بالالارعا جوعارى ساپالى مەديسينالىق كومەككە قول جەتكىزۋدى قامتاماسىز ەتۋ.
قازاقستاندا جىل سايىن 2000-نان استام بالا كارديوحيرۋرگيالىق ارالاسۋدان وتەدى، ونىڭ 75%-ى ءبىر جاسقا دەيىنگى سابيلەر. بۇرىن بۇل كومەك تۋا بىتكەن جۇرەك پاتولوگياسىنان زارداپ شەگەتىن كىشكەنتاي ناۋقاستار ءۇشىن قول جەتىمدى ەمەس ەدى.
قازاقستان ورتالىق ازيادا تۋعاننان باستاپ كارديوحيرۋرگيالىق وپەراسيالار جۇرگىزىلەتىن جالعىز مەملەكەت بولىپ تابىلادى. مينيسترلىك ءوز الدىنا جۇرەك-قانتامىر جۇيەسىنىڭ جاتىرىشىلىك اقاۋلارىن ۋاقتىلى انىقتاۋ، سونداي-اق تۋعاننان كەيىن انىقتاۋ ءۇشىن سكرينينگتى جەتىلدىرۋ مىندەتىن قويادى.
«باستاپقىدا ءبىزدىڭ ورتالىقتىڭ عانا ەمەس، بۇكىل رەسپۋبليكانىڭ 12 جىلدىق جۇمىسىنىڭ ناتيجەلەرىن قورىتىندىلاۋ يدەياسى پايدا بولدى. بۇرىن شاعىن جەرگىلىكتى كونفەرەنسيالار وتكىزىلگەن، ءبىراق بۇل كونفەرەنسيا بالالاردىڭ جۇرەگىمەن اينالىساتىن بارلىق مامانداردى – اريتمولوگتاردى، ينتەرۆەنتتەردى، كارديولوگتاردى، كارديوحيرۋرگتاردى، انەستەزيولوگتاردى، نەوناتولوگتاردى بىرىكتىرگەن ءبىرىنشى كونفەرەنسيا بولدى. ءبىز ءوز تاجىريبەمىزدى جيناقتاپ، قورىتىندىلاعىمىز كەلەدى، بالالار ماماندارىنىڭ ديالوگ الاڭىن قۇرعىمىز كەلەدى، سونداي – اق قازاقستاندىق بالالار جۇرەگىن ەمدەۋ جونىندەگى ماماندار قوعامىن قۇرعىمىز كەلەدى»، – دەپ اتاپ ءوتتى «ۇعكو» كەاق مەديسينالىق ديرەكتورى، بالالار كارديولوگى تاتيانا يۆانوۆا-رازۋموۆا.
قازاقستاندىق بالالار جۇرەگىن ەمدەۋ جونىندەگى ماماندار قوعامى كونفەرەنسيانىڭ ەكىنشى كۇنى تانىستىرىلدى. قاۋىمداستىققا بالالاردىڭ جۇرەگىن ەمدەۋگە قاتىسى بار بارلىق ماماندار كىرە الادى.
كونفەرەنسيا شەڭبەرىندە شەتەلدىك دارىگەرلەردىڭ ماستەر-كلاستارى ءوتتى. دوكتور دجوردج فرەنكەل (شنايدەر بالالار مەديسينالىق ورتالىعى، يزرايل) ماستەر-كلاسس شەڭبەرىندە تۋا بىتكەن جۇرەك اقاۋلارىنىڭ كۇردەلى فورمالارى بار بالالارعا رەكونسترۋكتيۆتى وپەراسيالار جاسادى. دوكتور ياكۋپ ەرگۇل (مەحمەت اكيف ەرسوي اتىنداعى ستامبۋل كەۋدە جانە جۇرەك-قان تامىرلارى حيرۋرگياسى وقۋ-زەرتتەۋ اۋرۋحاناسى) بالالار ينتەرۆەنسيالىق اريتمولوگياسى بويىنشا ماستەر-كلاسس وتكىزدى.