2023 جىلعى 21 قازاندا رەسپۋبليكا كۇنىن مەرەكەلەۋ اياسىندا «جاڭا قازاقستان. تازا تابيعات» رەسپۋبليكالىق ەكولوگيالىق اكسياسى جوسپارلانعان.
اكسيا بارىسىندا اعاش كوشەتتەرىن وتىرعىزۋ دا ۇيىمداستىرىلادى، دەپ حابارلايدى Almaty-akshamy.kz.
ەكولوگيا جانە تابيعي رەسۋرستار مينيسترلىگىنىڭ حابارلاۋىگشا، ءىس-شارانىڭ ماقساتى - ەل حالقىن وڭىرلەردىڭ ەكولوگيالىق جاعدايىن جاقسارتۋدا بىرىكتىرۋ.
ەلوردادا اكسيا س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى جانە ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى تابيعات جاناشىرلارى مەن ستۋدەنتتەرىنىڭ قاتىسۋىمەن وتكىزىلەدى.
وسىنداي ءىس-شارالارعا تابيعاتقا جاناشىر ۇرپاقتى تارتۋ جۇرتشىلىق اراسىندا ەكولوگيالىق سانانى ارتتىرۋعا، وسىنداي ەكولوگيالىق باستامالاردى دامىتۋعا مۇمكىندىك بەرەدى.
اكسيا اياسىندا مينيسترلىك سالتاناتتى تۇردە اۋماقتىق ەكولوگيا دەپارتامەنتتەرىنە 11 اۆتوكولىك تاپسىرۋدى جوسپارلاۋدا. بۇل ينسپەكتورلاردىڭ ۇتقىرلىعىن كۇشەيتۋگە جانە ۋاقتىلى ەكولوگيالىق زاڭ بۇزۋشىلىقتاردىڭ الدىن الۋعا مۇمكىندىك بەرەدى.
«بارشا نيەت بىلدىرۋشىلەردى ءوز وڭىرلەرىندەگى سەنبىلىككە قاتىسىپ، تۋعان ولكە ەكولوگياسىن جاقسارتۋعا ۇلەس قوسۋعا شاقىرامىز. ەلىمىزدىڭ تازالىعىنا بىرگە ات سالىسايىق»! - دەلىنگەن مينيسترلىكتىڭ حابارلاماسىندا.