ءسابي ساتقاندار سوتتالدى

ۇكىم زاڭدى كۇشىنە ءالى ەنگەن جوق.

جامبىل وبلىسىندا نارەستە ساتقان اكۋشەرلەر سوتتالدى، دەپ حابارلايدى Almaty-akshamy.kz

«ءبىر سوتتالۋشىنىڭ جاس بالالارىنىڭ بولۋى جازانى جەڭىلدەتەتىن ءمان-جاي رەتىندە قاراستىرىلدى. جامبىل وبلىسىندا جاڭا تۋعان نارەستەنى سوتقان اكۋشەرلەر 8 جىلعا سوتتالدى»، دەپ مالىمدەدى وبلىستىق سوت.

جۇكتى ايەل بىلتىر قاراشادا جۇكتىلىكتى مەرزىمىنەن بۇرىن توقتاتپاق بولادى.

"ول اۋرۋحانانىڭ پەرزەنتحانا ءبولىمىنىڭ اكۋشەرىنە حابارلاسقان. دارىگەر پاسيەنت جۇكتىلىگىن وتباسىنان جاسىرعانىن ءتۇسىنىپ، ءوزىنىڭ ارىپتەسىنەن بوسانعاننان كەيىن بالانى ساتۋعا كومەك سۇراعان"، - دەيدى سوت.

وسىلايشا اكۋشەرلەر جاڭا تۋعان نارەستەنى 1،5 ملن تەڭگەگە ساتقان.

سوتتالۋشىلاردىڭ كىناسى جابىرلەنۋشىنىڭ زاڭدى وكىلىنىڭ، كۋالەردىڭ ايعاقتارىمەن، ساراپتامالاردىڭ قورىتىندىسىمەن دالەلدەندى. سوتتالۋشىلار كىناسىن ءىشىنارا مويىندادى.

بۇنداي قىلمىس جاساعاندارعا قك-نىڭ 135-بابى 2-بولىگى "كامەلەتكە تولماعاندار ساۋداسى" بويىنشا 9 جىلدان 12 جىلعا دەيىن باس بوستاندىعىنان ايىرۋ جازاسى قولدانىلادى.

"ءبىر سوتتالۋشىنىڭ جاس بالالارىنىڭ بولۋى جازانى جەڭىلدەتەتىن ءمان-جاي رەتىندە قاراستىرىلدى. اۋىرلاتاتىن ءمان-جايلار انىقتالعان جوق. جاسالعان قىلمىستىڭ سيپاتى مەن قوعامدىق قاۋىپتىلىك دارەجەسىن،ەسكەرە وتىرىپ، سوتتالۋشىلار 8 جىلعا باس بوستاندىعىنان ايىرىلدى"، - دەيدى ۆەدومستۆو.