وتباسى بانكتىڭ سالىمشىلارى مەملەكەتتىڭ 138 000 تەڭگە مولشەرىندەگى ەڭ جوعارى سىياقىسىن الا الادى
جىل سايىن تۇرعىن ءۇي قۇرىلىسى جيناق اقشا جۇيەسىنە قاتىسۋشىلارعا 20% مولشەرىندە مەملەكەت سىياقىسى تولەنەدى. بۇل تۋرالى وڭىرلىك كوممۋنيكاسيالار قىزمەتى الاڭىندا «وتباسى بانك» اق ديرەكتورى داناگۇل ءتۇسىپوۆا ايتتى، دەپ حابارلايدى almaty-akshamy.kz
مەملەكەت سىيلىقاقىسى 200 اەك نەمەسە 690 000 تەڭگەدەن اسپايتىن سوماعا ەسەپتەلەدى.
«ەگەر وسى جىل ىشىندە وتباسى بانكتە دەپوزيتى بار ادام وسى قاراجاتتى ءوز شوتىنا جيناسا نەمەسە ولاردى ءبىر مەزگىلدە ەنگىزسە، وندا ول 2023 جىلدىڭ قورىتىندىسى بويىنشا ەڭ جوعارى سىيلىقاقىنى – 138 000 تەڭگەنى الادى. مەملەكەت تاراپىنان 20% كولەمىندە بونۋس الۋعا ۇلگەرۋ ءۇشىن وتباسى بانكتىڭ سالىمشىلارى اعىمداعى جىلدىڭ 29 جەلتوقسانىنا دەيىن ءوز دەپوزيتتەرىن تولىقتىرىپ ۇلگەرۋى ءتيىس»، - دەدى د.ءتۇسىپوۆا.
سونداي-اق، ول جيناقتاۋ مۇمكىندىگىنىڭ ارقاسىندا 480 مىڭنان استام قازاقستاندىق وتباسىنىڭ تۇرعىن ءۇي ماسەلەسى شەشىلگەنىن ايتتى.
«جاقىن ارادا قونىس تويىن اتاپ ءوتۋ ءۇشىن تاعى 2،7 ملن قازاقستاندىق اقشا جيناقتاپ جاتىر. بۇل ماسەلەدە ولارعا مەملەكەتتىڭ قولداۋى دا ماڭىزدى. سىيلىقاقى تولەۋگە ارنالعان قاراجات جىل سايىن رەسپۋبليكالىق بيۋدجەتتە كوزدەلەدى. وتكەن جىلدىڭ قورىتىندىسى بويىنشا 1،9 ملن قازاقستاندىق 75 ملرد تەڭگە كولەمىندە مەملەكەت سىيلىقاقىسىن الدى، - دەپ ءتۇسىندىردى وتباسى بانكتىڭ الماتى قالالىق فيليالىنىڭ ديرەكتورى داناگۇل ءتۇسىپوۆا.
بانكتىڭ جىلدىق 2% مولشەرىندەگى سىياقىسىن جانە مەملەكەت سىيلىقاقىسىن ەسكەرگەندە وتباسى بانكتەگى دەپوزيتتەر بويىنشا ءتيىمدى مولشەرلەمە جىلدىق 14%-عا جەتۋى مۇمكىن.
سپيكەر مەملەكەت سىيلىقاقىسى بۇرىن كوتەرمەلەنبەگەن جيناقتارعا عانا ەسەپتەلەتىنىن ايتتى. ياعني، جىل سايىن اعىمداعى جىلى جاسالعان جيناقتار مەن وتكەن جىلى كوتەرمەلەنبەگەن جيناقتاردىڭ قالدىعى ەسەپكە الىنادى. ەگەر ءبىر سالىمشىنىڭ بانكتە بىرنەشە دەپوزيتى بولسا، وندا مەملەكەتتىڭ سىيلىقاقىسى ولاردىڭ بىرەۋىنە عانا ەسەپتەلەدى. ەگەر وتباسى بانكتىڭ سالىمشىسى ءوز جيناق اقشاسىن شەشىپ الىپ قويۋعا شەشىم قابىلداسا جانە ءۇش جىلدان از مەرزىم بويى جيناقتاعان دەپوزيتىن جاپسا، وندا مەملەكەتتىڭ ەسەپتەلگەن سىيلىقاقىسى بيۋدجەتكە قايتارىلادى.
«وتباسى بانكتىڭ «وتباسىلىق پاكەتى» شەڭبەرىندە ءوز كىرىسىڭدى ۇلعايتۋعا بولادى. ول ءۇشىن ءسىز وتباسىنىڭ بىرنەشە مۇشەسىنە دەپوزيت اشۋىڭىز كەرەك، سوندا سىيلىقاقى ءار سالىمعا ەسەپتەلەدى. مىسالى، ەگەر وتباسى ايىنا بەلگىلى ءبىر سومانى ۇنەمدەۋدى جوسپارلاعان بولسا، وندا وتباسى ونى «وتباسىلىق پاكەت» شەڭبەرىندە بىرنەشە سالىم اراسىندا ءبولۋ ارقىلى ءار سالىم ءۇشىن مەملەكەت سىيلىقاقىسىن الاتىن مۇمكىندىككە يە بولادى. سودان كەيىن قاجەتتى سومانىڭ جيناقتالۋى تەزىرەك بولادى»، - دەپ تولىقتىردى ول.
بانك سالىمشىسى جىلجىمايتىن مۇلىكتى ساتىپ الۋ تۋرالى شەشىم قابىلداعاننان كەيىن ءبىر وتباسىنىڭ بارلىق شوتتارىن بىرىكتىرىپ، قارىز الۋعا بولادى. بۇگىنگى تاڭدا قازاقستاندىقتار ءۇشىن ەڭ قولجەتىمدى قارىز ءتۇرى – تۇرعىن ءۇي قارىزى. مۇنداي قارىز شوتتا كەمىندە 3 جىل مەرزىم ىشىندە تۇرعىن ءۇي قۇنىنىڭ كەمىندە 50%-ى جيناقتالعان جاعدايدا بەرىلەدى. قالعان سومانىڭ 50%-ىن كليەنت جىلدىق 3،5%-دان 5%-عا دەيىنگى مولشەرلەمە (جتسم 3،6%-دان باستاپ) بويىنشا الادى.
وتباسى بانكتە بالالارعا وتباسى بانكتىڭ ءداستۇرلى دەپوزيتىنىڭ كومەگىمەن نەمەسە «ارناۋ» دەپوزيتىن پايدالانا وتىرىپ اقشا جيناقتاۋعا بولادى. ونىڭ تالاپتارى بويىنشا كەم دەگەندە 10 جىل ىشىندە تۇرعىن ءۇي قۇنىنىڭ 50%-ىن جيناقتاۋ قاجەت. دەپوزيتكە جيناقتاۋ كەزىندە بانكتىڭ سىياقىسى مەن مەملەكەتتىڭ سىيلىقاقىسى دا ەسەپتەلەدى. بۇل رەتتە جيناقتاۋ مەرزىمى وتكەننەن كەيىن قارىز بويىنشا مولشەرلەمە جىلدىق 2%-دى (جتسم 2%-دان باستاپ) عانا قۇرايدى. ستاندارتتى دەپوزيت شەڭبەرىندە قارىز بويىنشا ەڭ تومەنگى مولشەرلەمە 3،5%-دى (جتسم 3،6%-دان باستاپ) قۇرايدى.
ەندى ءوز بالاڭىزعا دەپوزيتتى ونلاين رەجيمىندە اشا الاسىز. جاڭا قىزمەت otbasybank.kz پورتالىندا قولجەتىمدى. دەپوزيتتى 0 جاستان 14 جاسقا دەيىنگى بالاعا ونلاين اشۋعا بولادى. 14 جاستان باستاپ دەپوزيتتى بالانىڭ ءوزى اتا-اناسىنىڭ نەمەسە باسقا زاڭدى وكىلدەرىنىڭ (مىسالى، قامقورشىلاردىڭ) كەلىسىمىمەن بانك بولىمشەسىندە اشادى.
بالاعا دەپوزيت اشۋ بويىنشا ونلاين قىزمەت استانا قالاسىنىڭ ۋاقىتى بويىنشا جۇمىس كۇندەرى ساعات 9:00-دەن 17:00-گە دەيىن قولجەتىمدى.