بۇل تۋرالى وقۋ-اعارتۋ ءمينيسترى عاني بەيسەمبايەۆ ءمالىم ەتتى، دەپ حابارلايدى Almaty-akshamy.kz.
بيىلعى وقۋ جىلىنىڭ 31-مامىرعا دەيىن ۇزارتىلۋىنا بايلانىستى، مەكتەپتەردە ساباق اياقتالماي، وقۋلىقتار تاپسىرىلا باستادى دەگەن اقپاراتتار تاراپ كەتتى. ءمينيستردىڭ ايتۋىنشا، مەكتەپتەر ستاندارتتاردى ورىنداماسا، بۇل قارجىلىق بۇزۋشىلىققا جاتادى. ويتكەنى ولار جالاقى الادى، بۇل - وقۋ باعدارلاماسى.
«مەملەكەتتىك ستاندارت بار، وقۋ باعدارلاماسى بار. ءبىز ءقازىر مونيتورينگ جۇرگىزىپ، مەملەكەتتىك ستاندارتتى ورىندامايتىن مەكتەپتەردى انىقتاپ جاتىرمىز. ءتۇسىندىرۋ جۇمىستارى جۇرگىزىلىپ، بەلگىلى ءبىر شارالار قابىلدانادى»، - دەدى مينيستر ۇكىمەت كۋلۋارىندا.
دەسە دە، عاني بەيسەمبايەۆ وقۋلىقتاردى مەرزىمىنەن بۇرىن جيناعانى ءۇشىن مۇعالىمدەر مەن ديرەكتورلارعا قانداي جازا قولدانىلاتىنىن ناقتىلاعان جوق.
ەستەرىڭىزگە سالا كەتەيىك، قازاقستاندا وقۋ جىلى 34 اپتادان 36 اپتاعا دەيىن ۇزارتىلدى، ياعني بيىل ەل مەكتەپتەرىندە ساباق ايدىڭ اياعىنا دەيىن جالعاسادى.