Kids Go Free باعدارلاماسى ارقىلى ءبىرىنشى جىلدىڭ قورىتىندىسى بويىنشا 1 500 بالا تەگىن ۇشتى.
بۇل تۋرالى مادەنيەت جانە سپورت ءمينيسترى اسحات ورالوۆ ۇكىمەت وتىرىسىندا ايتتى، دەپ حابارلايدى Almaty-akshamy.kz.
«بالالارمەن قولايلى وتباسىلىق دەمالىستى ىنتالاندىرۋ ماقساتىندا مينيسترلىك 2022 جىلدان باستاپ تۋرپاكەت قۇرامىندا بالالار اۆيابيلەتىن سۋبسيديالاۋ باعدارلاماسىن ىسكە اسىرىپ جاتىر. باعدارلاما نەگىزىندە ءبىرىنشى جىلدىڭ قورىتىندىسى بويىنشا تۋرپاكەت قۇرامىندا 1 500 بالا تەگىن ۇشتى. بيىل ءبىز وسى باعدارلامانى ىسكە اسىرۋدى جالعاستىرامىز، 2 000-نان استام بالا قامتىلادى دەپ جوسپارلانىپ وتىر»،- دەدى مينيستر.