گرۋزيانىڭ بۇرىنعى پرەزيدەنتى ميحايل سااكاشۆيليدىڭ دەنساۋلىعى كۇرت ناشارلادى.
ول جانساقتاۋ ءبولىمىنىڭ ينتەنسيۆتى تەراپيا بولىمشەسىنە ءتۇستى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى "رەيتەر" اقپارات اگەنتتىگى حابارلادى. ول سوڭعى ايلاردا تبيليسيدەگى "ۆيۆەدي" اۋرۋحاناسىندا ەم الىپ جاتقان بولاتىن.
ايتا كەتەيىك، 55 جاستاعى ساياساتكەر 2021 جىلدىڭ قىركۇيەگىندە گرۋزياعا جاسىرىن كەلگەندە تۇتقىندالعان ەدى. كەيىن سوت ونى 2004-2013 جىلدارى ەل بيلەگەن كەزدە قىزمەتىن اسىرا پايدالاندى دەگەن ايىپپەن 6 جىلعا سوتتادى. ءبىراق سااكاشۆيلي ءىستىڭ ساياسي استارى بار ەكەنىن ايتىپ، تۇرمەدە بىرنەشە رەت اشتىق جاريالادى. سالدارىنان دەنساۋلىعى سىر بەرىپ، اۋرۋحاناعا ءتۇستى.