ولگا رىپاكوۆا قازاقستان جەڭىل اتلەتيكاسى فەدەراسياسىنىڭ پرەزيدەنتى بولىپ تاعايىندالدى.
قازاقستاننىڭ جەڭىل اتلەتيكا فەدەراسياسىندا ۇلكەن وزگەرىس ورىن الدى: دانيال احمەتوۆ فەدەراسيا پرەزيدەنتى قىزمەتىنەن ءوز ەركىمەن جانە مەرزىمىنەن بۇرىن كەتكەنىن مالىمدەدى، دەپ حابارلايدى aqshamnews.kz.
2018 جىلدان باستاپ وسى لاۋازىمدا بولعان احمەتوۆ بۇگىن وتكەن باسپا ءسوز ءماسليحاتىندا ءوز شەشىمىن جاريالاپ، فەدەراسيا جەتەكشىلىگىنەن قىزمەتتەن بوساتۋدى وتىنگەن. بۇل اقپاراتتى قازاقستان جەڭىل اتلەتيكا فەدەراسياسىنىڭ اتقارۋشى ديرەكتورى پاۆەل كۋكين راستادى.
دانيال احمەتوۆتىڭ ورنىنا فەدەراسيانىڭ جاڭا پرەزيدەنتى رەتىندە قازاقستاننىڭ ايگىلى جەڭىل اتلەتى ولگا رىپاكوۆا تاعايىندالدى. ول ەندى ەلىمىزدىڭ جەڭىل اتلەتيكاسى سالاسىن دامىتۋ باعىتىندا جەتەكشى ءرول اتقاراتىن بولادى.
ولگا رىپاكوۆا — الەم چەمپيوناتتارىندا جۇلدە العان، وليمپيادا ويىندارىنىڭ جۇلدەگەرى، قازاقستاننىڭ جەڭىل اتلەتيكا تاريحىنداعى ۇزدىك سپورتشىلاردىڭ ءبىرى. ونىڭ جاڭا لاۋازىمداعى جۇمىسى ەلىمىزدىڭ جەڭىل اتلەتيكاسى سالاسىنىڭ حالىقارالىق ارەنادا بەدەلىن ارتتىرۋ، جاستاردى سپورتقا باۋلۋ جانە ۇلتتىق كومانداعا جاڭا جەتىستىكتەرگە جەتۋگە كومەكتەسۋ باعىتىندا بولادى.
قازاقستان جەڭىل اتلەتيكاسى فەدەراسياسى ولگا رىپاكوۆانىڭ باسشىلىعىمەن جاڭا بەلەستەرگە جەتەتىنىنە سەنىم ارتادى.