شارا “ەسىرتكىگە بىرگە قارسىمىز” اتتى ەسىرتكىگە قارسى ايلىق اياسىندا وتكىزىلۋدە.
“RYH-MARAFON” سپارتاكياداسى بەس سپورت تۇرىنەن تۇرادى: 1000 مەترگە جۇگىرۋ، شاعىن فۋتبولدان تۋرنير، ۇستەل تەننيسى، ستريتبول جانە بوۋلينگ، دەپ حابارلايدى Almaty-akshamy.kz Polisia.kz-كە سىلتەمە جاساپ.
"سپارتاكيادانىڭ اشىلۋ سالتاناتىنىڭ رەسمي بولىمىنەن كەيىن كينولوگتار قىزمەتتىك يتتەرىمەن شىقتى. ولاردىڭ دەمونستراسيالىق جارىسى ءراسىمنىڭ ەرەكشەلىگىنە اينالدى. مارافونعا بارلىعى 500-دەن استام ادام قاتىستى، بۇل - الماتىداعى ءتۇرلى دەمالىس ورتالىقتارىنىڭ جاسوسپىرىمدەرى مەن جاستارى. ءىس-شارا بىرنەشە بولىكتەن تۇردى: كونسەرتتىك باعدارلاما، جاسوسپىرىمدەر مەن جاستاردىڭ جۇگىرىسى، ارقان تارتىس، اسىق ويىنى، سونىمەن قاتار قاعاز بەن اسفالتقا سۋرەت سالۋ بايقاۋى. جەڭىمپازدار گراموتالارمەن، مەدالدارمەن جانە كۋبوكتارمەن ماراپاتتالدى. ال شارا سوڭىندا قاتىسۋشىلارعا بالمۇزداق بەرىلدى. اسەرلى ءىس-شارانى وتكىزۋگە ورىن ۇسىنعان “دينامو” دسو-عا العىس ايتامىز"، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسى باستىعىنىڭ ورىنباسارى ساعىندىق اياعانوۆ.