ماماندار ءونىمنىڭ تاپشىلىعى مەن باعاسىنىڭ وسۋىنە قازاقستاندىقتاردىڭ وزدەرى كىنالى دەپ وتىر.
Energyprom.kz مالىمەتىنشە، قانت باعاسى ءبىر جىل ىشىندە 61%-عا وسكەن، دەپ حابارلايدى Almaty-akshamy.kz
بيىل ءقاڭتار-ساۋىر ايلارىنداعى قانت ءوندىرىسى 81،8 مىڭ توننا بولدى. بۇل بىلتىرعى سايكەس كەزەڭمەن سالىستىرعاندا 2،1%-عا از. قانتتىڭ ۇشتەن ەكىسىنەن استامى جامبىل وبلىسىندا وندىرىلەدى، ياعني 56،5 مىڭ توننا.
«2022 جىلدىڭ ءبىرىنشى توقسانىنىڭ قورىتىندىسى بويىنشا، وتاندىق قانت وندىرۋشىلەر سۇرانىستى 39%-عا قامتاماسىز ەتتى. بىلتىرعى كورسەتكىش - 43،8%. ءبىرىنشى توقساندا قازاقستاندىق ءوندىرىس ءبىر جىلدا بىردەن 25،2%-عا تومەندەدى، يمپورت 9%-عا، 60،1 مىڭ تونناعا دەيىن قىسقاردى»، - دەلىنگەن اقپاراتتا.
ناتيجەسىندە 2022 جىلدىڭ ءبىرىنشى توقسانىندا ىشكى نارىقتا 98،5 مىڭ توننا قانت ساتىلدى. بۇل ءبىر جىل بۇرىنعىعا قاراعاندا 15،7%-عا از. سەكتورداعى ەكسپورت ماردىمسىز، ول 8 ەسە قىسقاردى. بيىل قانت بۇرىن-سوڭدى بولماعان دۇربەلەڭ تۋدىردى. ماسەلەن، ناۋرىزدا رەسەيدەن قانت ەكسپورتىنا تىيىم سالىنۋىنا بايلانىستى رەسەيلىك قانت قۇنى قازاقستاندا اقپانمەن سالىستىرعاندا بىردەن 34،3%-عا ءوستى.
ساۋدا جانە ينتەگراسيا مينيسترلىگى اۋىل شارۋاشىلىعى مينيسترلىگىمەن بىرلەسىپ، ەلدە قانت تاپشىلىعى جوق جانە قالعان قورى ءۇش ايعا جەتەدى دەپ مالىمدەدى. سونىمەن قاتار ولار ۇنەمى تولىقتىرىلىپ وتىراتىنىن ايتتى، دەپ جازادى Energyprom.kz.
سوعان قاراماستان، مالىمدەمە جاسالعان ۋاقىتتا ءتۇرلى قالا دۇكەندەرىندە سورەلەردە قانت بولمادى. كەيىن الىپساتارلىق جاعدايلارى انىقتالدى. قانت باعاسىنىڭ ءوسۋى كەلەسى ايلاردا دا جالعاستى: ساۋىردە قانت تاعى 4،5%-كە، مامىردا 5،7%-كە قىمباتتادى. ناتيجەسىندە قانتتىڭ جىلدىق قىمباتتاۋى بىردەن 60،5% بولدى.
مامىر ايىندا قانت دۇكەن سورەلەرىنەن قايتادان جوعالىپ كەتتى. ساۋدا جانە ينتەگراسيا ءمينيسترى باقىت سۇلتانوۆ ەلدەگى قانت تاپشىلىعىن مويىنداپ، ونى رەسەي تاراپىنان قانت ەكسپورتىنا ەنگىزىلگەن تىيىممەن بايلانىستىردى.
ەسكە سالساق، جۋىردا اۋىل شارۋاشىلىعى مينيسترلىگى ەلدە قانت تاپشىلىعى جوق ەكەنىن، جەتكىزىلىم ۋاقىتىندا جۇزەگە اسىرىلاتىنىن، ال زاۋىتتار تولىق قۋاتىندا جۇمىس ىستەيتىنىن مالىمدەگەن ەدى.