قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا سينسينناتي (اقش) WTA 1000 ءتۋرنيرىنىڭ ءۇشىنشى اينالىمىنا شىعا المادى.
جارىستى ەكىنشى اينالىمنان باستاعان قازاقستاندىق تەننيسشى الەمنىڭ 27-راكەتكاسى، كانادالىق، 2021 جىلعى اقش اشىق چەمپيوناتىنىڭ ءفيناليسى لەيلا فەرناندەسپەن كەزدەستى، دەپ حابارلايدى aqshamnews.kz.
بۇل ە.رىباكينانىڭ دەنساۋلىعىنا بايلانىستى پاريج وليمپياداسىندا قاتىسۋدان باس تارتقاننان كەيىنگى العاشقى ويىنى ەدى.
ماچ برەيك الماسۋمەن باستالدى. ەسەپ 4:3 بولعان مەزەتتە برەيك جاساعان رىباكينا سول باسىمدىلىعىنان ايىرىلعان جوق – 6:3.
ەكىنشى سەتتە تاي-برەيكتە فەرناندەس ءساتتى ونەر كورسەتتى – 7:6 (7:3).
ءۇشىنشى، شەشۋشى پارتيادا ەسەپ 3:3 بولعان مەزەتتە فەرناندەس برەيك جاساپ كەتتى. اقىرى ماچتى جەڭىسپەن تۇيىندەدى – 6:4.
ەكى ساعات 35 مينۋتقا سوزىلعان تارتىستى باسەكە بارىسىندا رىباكينا 20 ەيس جاساپ، 7 برەيك-پوينتتىڭ التاۋىن پايدالاندى. كانادالىق سپورتشى 5 ەيس، 6 برەيكپەن (17 برەيك-پوينت) كوزگە ءتۇستى.
ل.فەرناندەس شيرەك فينالعا شىعۋ ءۇشىن الەمنىڭ 20-راكەتكاسى، رەسەيلىك ديانا شنايدەرمەن تالاسادى.
ە.رىباكينا وتكەن جىلى دا سينسينناتيدا ءۇشىنشى اينالىمنان اسا الماعان ەدى.