قازگيدرومەت ەل ايماقتارىندا 16 تامىزدا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى aqshamnews.kz.
سولتۇستىك-باتىس سيكلونىنىڭ اسەرىنەن قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى، نايزاعاي، بۇرشاق جانە داۋىلمەن جاڭبىر جاۋادى، ەلدىڭ سولتۇستىك-باتىسىندا، سولتۇستىگىندە قاتتى جاڭبىر جاۋادى. رەسپۋبليكا بويىنشا جەلدىڭ كۇشەيۋى كۇتىلەدى، سولتۇستىك-باتىستا، سولتۇستىكتە، ەلدىڭ ورتالىعىندا تۇمان بولادى.
كۇندىز الماتى، شىعىس قازاقستان، جەتىسۋ وبلىستارىندا، اباي وبلىسىنىڭ وڭتۇستىگىندە قاتتى ىستىق كۇتىلەدى.
اتىراۋ، اباي وبلىستارىندا، ۇلىتاۋ جانە جەتىسۋ وبلىستارىنىڭ شىعىسىندا، قاراعاندى وبلىسىندا، باتىس قازاقستان وبلىسىنىڭ وڭتۇستىگىندە، شىعىسىندا، ورتالىعىندا، شىعىس قازاقستان وبلىسىنىڭ سولتۇستىك-باتىسىندا، ورتالىعىندا، ماڭعىستاۋ وبلىسىنىڭ باتىسىندا، وڭتۇستىك-شىعىسىندا، الماتى وبلىسىنىڭ وڭتۇستىك جارتىسىندا جوعارى ءورت ءقاۋپى ساقتالادى.
ماڭعىستاۋ، قىزىلوردا، تۇركىستان، الماتى، جامبىل، ۇلىتاۋ جانە جەتىسۋ وبلىستارىندا، اتىراۋ وبلىسىنىڭ وڭتۇستىك-باتىسىندا، سولتۇستىك-شىعىسىندا، قوستاناي، شىعىس قازاقستان، قاراعاندى وبلىستارىنىڭ وڭتۇستىگىندە، اباي وبلىسىنىڭ باتىسىندا، سولتۇستىك-باتىسىندا، وڭتۇستىگىندە توتەنشە ءورت ءقاۋپى ساقتالادى.